రష్యా- ఉక్రెయిన్​ యుద్ధం.. క్వాడ్​ నేతలతో మోదీ కీలక భేటీ

PM Modi Quad: రష్యా- ఉక్రెయిన్​ యుద్ధం నేపథ్యంలో క్వాడ్ దేశాధినేతల భేటీ జరగనుంది. ప్రధాని నరేంద్ర మోదీ, అమెరికా అధ్యక్షుడు జో బైడెన్, ఆస్ట్రేలియా ప్రధాని స్కాట్ మోరిసన్, జపాన్ ప్రధాని ఫుమియో కిషిదా గురువారం సమావేశమై.. కీలక చర్చలు జరపనున్నారు. ఇండో- పసిఫిక్ ప్రాంతంలోని పరిణామాలపై ప్రధానంగా వీరు సమాలోచనలు చేయనున్నట్లు అధికార వర్గాలు వెల్లడించాయి.

PM Modi Quad: అమెరికా అధ్యక్షుడు జో బైడెన్ సహా క్వాడ్​ నేతలైన ఆస్ట్రేలియా ప్రధాని స్కాట్ మోరిసన్, జపాన్ ప్రధాని ఫుమియో కిషిదాలతో ప్రధాని నరేంద్ర మోదీ వర్చువల్​గా​ సమావేశం కానున్నారు. ఇండో- పసిఫిక్​ ప్రాంతానికి సంబంధించిన కీలక అంశాలపై క్వాడ్​ నేతలు చర్చించనున్నట్లు విదేశాంగ శాఖ వెల్లడించింది. క్వాడ్​ ప్రణాళికలో భాగంగా ఇండో- పసిఫిక్​కు సంబంధించి చేపట్టాల్సిన చర్యలపై నేతలు సమీక్ష నిర్వహిస్తారని తెలిపింది.

ఉక్రెయిన్​పై రష్యా దాడులు చేస్తున్న నేపథ్యంలో ఈ భేటీకి ప్రాధాన్యం సంతరించుకుంది.

గతేడాది మార్చిలో అమెరికా అధ్యక్షుడు బైడెన్​ ఆధ్వర్యంలో తొలిసారిగా క్వాడ్​ సమావేశం జరిగింది. వర్చువల్​గా ఈ సమావేశం జరిగిన కొన్ని నెలలకే సెప్టెంబరులో వాషింగ్టన్​ వేదికగా నేతలు అందరూ సమావేశం అయ్యారు.

ఇదీ చూడండి:పిల్లులు, కుక్కలతో సేఫ్​గా భారత్​కు.. మూగజీవాల్ని యుద్ధభూమిలో వదిలేయలేక..