దేశంలోని చిన్న, మధ్య తరహా పరిశ్రమలకు మరింత ఊతం ఇచ్చే మరో కొత్త పథకానికి కేంద్ర ప్రభుత్వం శ్రీకారం చుట్టింది. రైజింగ్‌ అండ్‌ యాక్సెలరేటింగ్‌ ఎంఎస్ఎంఈ పెర్ఫార్మెన్స్‌-రాంప్(ఆర్ఏఎంపీ) పేరుతో.. ప్రధాని నరేంద్ర మోదీ నూతన పథకాన్ని ప్రారంభించారు. పథకం అమలుకు 6వేల కోట్లను కేటాయించనున్నట్లు పేర్కొన్నారు. అలాగే చిన్న, మధ్య తరహా పరిశ్రమల ఉత్పత్తులు, సేవల ఎగుమతులను ప్రోత్సహించేందుకు 'కెపాసిటీ బిల్డింగ్‌ ఆఫ్‌ ఫస్ట్‌ టైమ్‌ ఎంఎస్ఎంఈ ఎక్స్‌పోర్ట్స్‌- సీబీఎఫ్టీఈ' అనే మరో పథకాన్ని సైతం ప్రధాని ప్రారంభించారు.
'ఎంఎస్ఎంఈలకు 8 ఏళ్లలో 650% పెరిగిన కేటాయింపులు' - pm modi launches new scheme
ఎంఎస్ఎంఈ రంగాన్ని బలోపేతానికి కేంద్ర ప్రభుత్వం ప్రవేశపెట్టిన కొత్త పథకాన్ని ప్రధాని మోదీ గురువారం ప్రారంభించారు. దేశంలోని చిన్న, మధ్య తరహా పరిశ్రమల అభివృద్ధికి కేంద్రం చేస్తున్న కృషిని గుర్తు చేశారు.
'ఎంఎస్ఎంఈ'ల బలోపేతానికి ఊతం.. 650శాతం పెరిగిన కేటాయింపులు'
అనంతరం మాట్లాడిన ప్రధాని మోదీ ఎంఎస్ఎంఈ రంగాన్ని బలోపేతం చేసేందుకు కేంద్రం విశేషంగా కృషి చేస్తున్నట్లు చెప్పారు. ఈ రంగం కోసం కేటాయించే బడ్జెట్‌ను గత 8ఏళ్లలో 650శాతానికి పైగా పెంచినట్లు ప్రధాని గుర్తుచేశారు. ఫలితంగా గత 8ఏళ్లలో ఖాదీ, గ్రామీణ పరిశ్రమలు వార్షిక టర్నోవర్‌ లక్ష కోట్లు దాటిందని, ఖాదీ అమ్మకాలు 4రెట్లు పెరిగాయన్నారు. ఎంఎస్ఎంఈ రంగాన్ని ప్రోత్సహించేందుకు అవసరమైన విధానపరమైన మార్పులను సైతం కేంద్రం చేస్తున్నట్లు మోదీ పేర్కొన్నారు. అటు చిన్న, మధ్యతరహా పరిశ్రమల అభివృద్ధిలో అత్యుత్తమ పనితీరు కనబర్చిన వారికి ప్రధాని మోదీ అవార్డులు ప్రదానం చేశారు.
ఇదీ చదవండి:మూడేళ్ల తర్వాత అమర్నాథ్ యాత్ర.. భారీగా తరలివచ్చిన యాత్రికులు
Last Updated : Jun 30, 2022, 12:53 PM IST