ప్రధానమంత్రి నరేంద్ర మోదీ (PM Modi) కేంద్ర మంత్రిమండలితో భేటీ అయ్యారు. (Modi meeting news) వివిధ శాఖలు అమలు చేస్తున్న పథకాలు, చేపట్టిన ప్రాజెక్టులపై సమీక్ష నిర్వహించారు. (PM Council of ministers) ప్రస్తుతం జరుగుతున్న పనులపై సంబంధిత అధికారులు మోదీకి వివరణ ఇచ్చారు. కేంద్ర మంత్రులు గజేంద్ర సింగ్ షెకావత్ (Gajendra Singh Shekhawat), పీయూష్ గోయల్ (Piyush Goyal).. తమ శాఖలకు సంబంధించి మోదీకి ప్రజెంటేషన్ ఇచ్చినట్లు సంబంధిత వర్గాలు తెలిపాయి.
జులై 7న కేంద్ర కేబినెట్ విస్తరణ (Cabinet reshuffle Modi 2021) జరిగిన తర్వాత ఇలాంటి సమావేశం ప్రధాని నిర్వహించడం ఇది నాలుగోసారి కావడం విశేషం. సెప్టెంబర్ 14న చివరిసారిగా సమావేశం జరిగింది. ఆ సమయంలో కేంద్ర ఆరోగ్య శాఖ మంత్రి మన్సుఖ్ మాండవీయ, విద్యా శాఖ మంత్రి ధర్మేంద్ర ప్రధాన్.. తమ శాఖల పనితీరుపై ప్రజెంటేషన్ ఇచ్చారు. ఎంత సమర్థంగా, సమయానుగుణంగా పనిచేస్తున్నారనే విషయంపై మోదీకి వివరాలు తెలియజేశారు.