కేంద్ర మంత్రులుగా ప్రమాణ స్వీకారం చేసిన నేతలు... వారివారి మంత్రిత్వశాఖల బాధ్యతలు చేపట్టారు. రైల్వే మంత్రిగా అశ్వినీ వైష్ణవ్ బాధ్యతలు చేపట్టారు. ఐఏఎస్ అధికారి, వ్యాపారవేత్త నుంచి రాజకీయ నేతగా మారిన అశ్వినీ వైష్ణవ్కు 15ఏళ్లుగా ప్రభుత్వ, ప్రైవేటు భాగస్వామ్యంలో మౌలికవసతుల కల్పన ప్రాజెక్టులపై పనిచేసిన అనుభవం ఉంది. కమ్యూనికేషన్స్‌, ఎలక్ట్రానిక్స్‌, ఐటీ శాఖ మంత్రిగానూ నియమితులైన ఆయన ప్రధాని నరేంద్ర మోదీ విజన్‌ను ముందుకు తీసుకెళ్లడమే తన లక్ష్యమని పేర్కొన్నారు.
కొత్త మంత్రుల తొలిరోజు ఇలా... - ప్రధాని మోదీ
మంత్రివర్గ పునర్వవస్థీకరణలో భాగంగా బుధవారం కేంద్రమంత్రులుగా ప్రమాణ స్వీకారం చేసిన నేతలు ఇవాళ వారివారి శాఖల బాధ్యతలు స్వీకరించారు. ప్రధాని నరేంద్ర మోదీ విజన్‌కు అనుగుణంగా పనిచేస్తూ తమపై ఉంచిన నమ్మకాన్ని.. నిలబెట్టుకుంటామని బాధ్యతలు చేపట్టిన తర్వాత చెప్పారు. దేశాభివృద్ధికి శక్తివంచన లేకుండా కృషిచేస్తామని తెలిపారు.
కొత్త మంత్రుల బాధ్యతల స్వీకరణ
ఆరోగ్యశాఖ మంత్రి మన్‌సుఖ్‌ మాండవియా బాధ్యతలు స్వీకరించారు. ప్రత్యేక పూజల తర్వాత దస్త్రంపై సంతకం చేశారు.
న్యాయశాఖ మంత్రిగా కిరణ్ రిజిజు సహా పలువుర మంత్రులు తమకు కేటాయించిన శాఖల బాధ్యతలు చేపట్టారు.