కరోనాపై కేంద్ర మంత్రులకు మోదీ కీలక ఆదేశాలు

దేశప్రజలు కొవిడ్​ నిబంధనలు పాటించేలా, టీకాలు తీసుకునేలా అవగాహన కల్పించాలని కేంద్ర మంత్రులను ప్రధానమంత్రి నరేంద్ర మోదీ ఆదేశించారు. తాము చేపట్టిన ప్రాజెక్టులను తామే పూర్తి చేసి, తామే ప్రారంభించేలా చర్యలు తీసుకోవాలని తెలిపారు.

కరోనా నిబంధనలు పాటించేలా ప్రజలకు విస్తృత అవగాహన కల్పించాలని కేంద్ర మంత్రులను ప్రధాన మంత్రి నరేంద్ర మోదీ ఆదేశించారు. మూడో దశ మహమ్మారి రాకుండా.. ప్రజలంతా టీకాలు తీసుకునేలా ప్రోత్సహించాలని తెలిపారు. మోదీ అధ్యక్షతన కేంద్ర మంత్రుల సమావేశం బుధవారం జరిగింది. ఈ కార్యక్రమంలో పాల్గొన్న ఆయన ఈ వ్యాఖ్యలు చేశారు.

మంత్రులు తాము మొదలు పెట్టిన ప్రాజెక్టులను తామే పూర్తి చేసి, ప్రారంభించేలా చర్యలు తీసుకోవాలని ప్రధాని తెలిపారు. ప్రాజెక్టులను నిరంతరం పర్యవేక్షించాలని, ఎలాంటి ఆలస్యం లేకుండా వేగంగా పనులు పూర్తయ్యేలా చూడాలని సూచించారు. దాదాపు 5 గంటలపాటు మోదీ అధ్యక్షతన జరిగిన ఈ సమావేశంలో.. నీతి ఆయోగ్​ సభ్యుడు వీకేపాల్.. కరోనా వైరస్​ తీరుతెన్నులపై ప్రెజెంటేషన్ ఇచ్చారు. వైరస్​ కట్టడికి ప్రజలంతా అప్రమత్తంగా ఉండాలని మోదీ ఈ సమావేశంలో సూచించారు.

ఇదీ చూడండి:ఊరూరా వైఫై- కేంద్రం కీలక నిర్ణయం

ఇదీ చూడండి:దేశ భద్రతపై మోదీ కీలక భేటీ