క్షేత్రస్థాయి పోలీసింగ్ వ్యవస్థలో కీలకమైన టెక్నాలజీని రాబోయే రోజుల్లో అందిపుచ్చుకునేందుకు కేంద్ర హోంమంత్రి నేతృత్వంలో హైపవర్ పోలీస్ టెక్నాలజీ మిషన్ను ఏర్పాటు చేయాలని ప్రధానమంత్రి నరేంద్రమోదీ పిలుపునిచ్చారు. ఉత్తర్ప్రదేశ్లోని లఖ్నవూలో (modi in lucknow) జరిగిన 56వ డీజీపీ, ఐజీపీ సభ ముగింపు సందర్భంగా (dgp meet lucknow) మోదీ ఈ మేరకు ప్రసంగించారు. పోలీస్ వ్యవస్థను మరింత పటిష్ఠం చేసేందుకు కొన్ని సంఘటనలను విశ్లేషించి కేస్ స్టడీలను రూపొందించాలని కోరారు.
పోలీసింగ్లో విప్లవాత్మక మార్పులకు మోదీ కీలక సూచనలు - పోలీస్ వ్యవస్థను పటిష్ఠ పరిచే దిశగా మోదీ అడుగులు
పోలీస్ వ్యవస్థలో భవిష్యత్ తరాలను దృష్టిలో ఉంచుకొని అందుకు సంబంధించిన సాంకేతికను అందిపుచ్చుకోవాలని ప్రధాని నరేంద్ర మోదీ (modi news) పిలుపునిచ్చారు. ఇందుకుగానూ కేంద్ర హోంమంత్రి నేతృత్వంలో హైపవర్ పోలీస్ టెక్నాలజీ మిషన్ను ఏర్పాటు చేయాలని సూచించారు.
నరేంద్ర మోదీ
సామాన్య ప్రజల జీవితాల్లో సాంకేతికత ప్రాముఖ్యత గురించి ప్రస్తావించిన మోదీ.. కొవిన్, జెమ్ పోర్టల్, యూపీఐ పేమెంట్స్ లాంటివి దేశంలో తీసుకొచ్చిన విప్లవాత్మక మార్పులను గుర్తు చేశారు. దేశవ్యాప్తంగా ఉన్న పోలీసు బలగాలకు ప్రయోజనం చేకూర్చే ఇంటర్-ఒపేరబుల్ టెక్నాలజీలను అభివృద్ధి చేయాలని ప్రధాని సూచించారు. కరోనా తరువాత పోలీసుల వైఖరిలో సానుకూల మార్పును గుర్తించినట్టు మోదీ ప్రశంసించారు. ప్రజల ప్రయోజనం కోసం డ్రోన్ టెక్నాలజీని ఉపయోగించాలని మోదీ సూచించారు. 2014లో ప్రవేశపెట్టిన స్మార్ట్ పోలీసింగ్ కాన్సెప్ట్ను సమీక్షించాలని కోరారు.
ఇదీ చూడండి:పోలీస్ స్టేషన్ క్లీన్ చేస్తుండగా భారీ పేలుడు.. ఐదుగురు...