ముందు మీరేం చేశారో చెప్పండి: ఎమ్మెల్యేకు హైకోర్టు షాక్

ఆక్సిజన్ కొరత తీర్చేందుకు కర్ణాటక ప్రభుత్వం.. భారత అంతరిక్ష పరిశోధనా సంస్థ(ఇస్రో) నుంచి ఆక్సిజన్​ సిలిండర్లను తెప్పించ్చేలా ఆదేశాలు ఇవ్వాలని ఆ రాష్ట్ర హైకోర్టులో కాంగ్రెస్​ ఎమ్మెల్యే, మాజీ మంత్రి హెచ్​కే పాటిల్ ప్రజాప్రయోజన వ్యాజ్యం వేశారు. దీనిపై న్యాయస్థానం తీవ్రంగా స్పందించింది. "అసలు మీ నియోజకవర్గంలో ఒక ఎమ్మెల్యేగా మీరేం చేశారు, కనీసం ఒక్క ఆక్సిజన్​ యూనిట్​ను నెలకొల్పారా?" ఆగ్రహం వ్యక్తం చేసింది.

"మీ నియోజకవర్గంలో కనీసం ఒక్క ఆక్సిజన్​ యూనిట్​ నెలకొల్పారా? కరోనా రోగుల కోసం పడకల్ని సమకూర్చారా? ఒక పలుకుబడిగల ఎమ్మెల్యే పదవిలో ఉండి ఏం చేశారు? ఇవన్నీ చేయకుండా ప్రభుత్వాన్ని ఆక్సిజన్​ సిలిండర్లను భారత అంతరిక్ష పరిశోధనా సంస్థ నుంచి తెమ్మని ఎలా పిటిషన్​ వేశారు" అని కర్ణాటక కాంగ్రెస్​ ఎమ్మెల్యే, మాజీ మంత్రి హెచ్​కే పాటిల్​పై మండిపడింది ఆ రాష్ట్ర హైకోర్టు.

ఆక్సిజన్ కొరత ఉందని, వెంటనే రాష్ట్ర ప్రభుత్వం.. భారత అంతరిక్ష పరిశోధనా సంస్థ(ఇస్రో) నుంచి ఆక్సిజన్​ సిలిండర్లను తెచ్చేలా ఆదేశాలు ఇవ్వాలని పాటిల్ ప్రజాప్రయోజన వ్యాజ్యం వేయడాన్ని హైకోర్టు తప్పుబట్టింది. ఇది ప్రజాప్రయోజన వ్యాజ్యమే కాదని, ప్రచారం కోసం దాఖలు చేశారని ఆగ్రహం వ్యక్తం చేసింది. వెంటనే ఈ పిటిషన్​ను వెనక్కి తీసుకోవాలని, లేకపోతే భారీ జరిమానా విధించాల్సి ఉంటుందని హెచ్చరించింది.

హైకోర్టు ఆగ్రహంతో పాటిల్​ తరపు న్యాయవాది పిటిషన్​ను ఉపసంహరించుకున్నారు.

ఇదీ చదవండి:టీఎంసీ ఎమ్మెల్యే రాజీనామా- మమత కోసమేనా?