సోనియా నేతృత్వంలో నేడు విపక్షాల భేటీ

కేంద్రంలో నరేంద్ర మోదీ ప్రభుత్వానికి వ్యతిరేకంగా విపక్షాలను ఏకతాటిపైకి తెచ్చేందుకు కాంగ్రెస్‌ అధినేత్రి సోనియాగాంధీ నేడు వర్చువల్​ సమావేశం నిర్వహించనున్నారు. ఈ భేటీకి ఎన్​సీపీ అధినేత శరద్​ పవార్​, బంగాల్ సీఎం మమతా బెనర్జీ సహా తదితరులు హాజరుకానున్నారు.

కేంద్రంలోని ఎన్​డీఏ ప్రభుత్వానికి వ్యతిరేకంగా ఉమ్మడి వ్యూహాన్ని రచించుకొనే యత్నాల్లో భాగంగా విపక్షాలు శుక్రవారం భేటీ కానున్నాయి. వర్చువల్ విధానంలో కొనసాగే ఈ సమావేశానికి హాజరుకావాల్సిందిగా కాంగ్రెస్ అధ్యక్షురాలు సోనియా గాంధీ నుంచి ఇప్పటికే పలువురు నేతలకు ఆహ్వానాలు వెళ్లాయి.

సమావేశంలో పాల్గొనేందుకు సుముఖత తెలుపుతూ ఎన్​సీపీ అధ్యక్షుడు శరద్ పవార్, టీఎంసీ అధ్యక్షురాలు, బంగాల్​ సీఎం మమతా బెనర్జీ, శివసేన అధినేత, మహారాష్ట్ర సీఎం ఉద్ధవ్ ఠాక్రే, డీఎంకే అధ్యక్షుడు, తమిళనాడు సీఎం ఎం.కె.స్టాలిన్ తిరుగు సమాధానమిచ్చినట్లు సమాచారం.

ఇదీ చూడండి:'పెట్రోల్ చౌకగా కావాలంటే.. అఫ్గానిస్థాన్​ వెళ్లండి'