Pawan Kalyan Tour: పవన్​కల్యాణ్​ వారాహి యాత్ర.. ఆ జిల్లా నుంచి ప్రారంభం

Janasena Chief Pawan Kalyan Tour: పవన్​ కల్యాణ్​ వారాహి యాత్రకు ముహూర్తం ఖరారైంది. ఈ నెలలో జనసేన అధినేత పవన్​ కల్యాణ్ ఉభయ గోదావరి జిల్లాల్లో పర్యటించనున్నారు. పర్యటన వివరాలను జనసేన పొలిటికల్ ఎఫైర్స్ కమిటీ ఛైర్మన్ నాదెండ్ల మనోహర్ వెల్లడించారు. పర్యటించనున్న ప్రాంతాలు, జనసేన చేపట్టనున్న కార్యక్రమాల వివరాలను ఆయన వివరించారు.

Pawan Kalyan Election Campaign : జనసేన అధినేత పవన్​ కల్యాణ్​ ఎన్నికల పర్యటన ప్రారంభమైనట్లుగా కనిపిస్తోంది. ఈ నెలలో ఉభయ గోదావరి జిల్లాల్లో పవన్​ కల్యాణ్​ పర్యటించనున్నట్లు.. జనసేన జనసేన పొలిటికల్ ఎఫైర్స్ కమిటీ ఛైర్మన్ నాదెండ్ల మనోహర్ ప్రకటించారు. గోదావరి జిల్లాలో పవన్​ ఏయే నియోజకవర్గాల్లో పర్యటించనున్నారు.. పర్యటనలో నిర్వహించనున్న కార్యక్రమాల వివరాలను తెలిపారు. పర్యటన ఎన్ని రోజులు కొనసాగనుంది వంటి వివరాలను నాదెండ్ల వివరించారు.

గోదావరి జిల్లాల్లో పర్యటన వివరాలు : జనసేన అధినేత పవన్​ కల్యాణ్​ వారాహి యాత్ర ఈ నెల 14 నుంచి ప్రారంభం కానున్నట్లు జనసేన నేత నాదెండ్ల మనోహర్​ తెలిపారు. ఉభయ గోదావరి జిల్లాల్లో కొనసాగనున్న ఈ యాత్ర.. తొలుత తూర్పు గోదావరి జిల్లాలో పర్యటించనున్నారని ప్రకటించారు. తూర్పు గోదావరి జిల్లాలోని 10 నియోజకవర్గాల్లో పవన్​ పర్యటన ఉంటుందని.. ఒక్కో నియోజవర్గంలో రెండు రోజుల పాటు పర్యటించనున్నారని, అందుకు తగినట్లుగా ప్రణాళిక తయారు చేసినట్లు వివరించారు.

వారాహిపై ప్రచార యాత్ర : పవన్​ ఉభయ గోదావరి జిల్లాల్లో చేపడుతున్న ఈ యాత్ర.. పవన్​ తన ఎన్నికల ప్రచార రథమైన వారాహిపై నిర్వహించనున్నారు. ఇప్పటికే యాత్రకు సంబంధించిన రూట్​ మ్యాప్​ ఖరారైనట్లు నాదెండ్ల తెలిపారు. యాత్రలో భాగంగా వివిధ వర్గాలతో పవన్​ కార్యక్రమాలు నిర్వహించనున్నట్లు వెల్లడించారు. జనసేన ద్వారా క్షేత్ర స్థాయిలో మార్పు వస్తుందని భావిస్తున్నట్లు ఆశాభావం వ్యక్తం చేశారు.

ప్రజా సమస్యల పరిష్కారానికే జనసేన : ప్రజలలో చైతన్యం తీసుకువచ్చేందుకు ప్రయత్నం చేస్తామని పేర్కొన్నారు. ప్రతి నియోజకవర్గంలో అందరినీ కలుపుకుని యాత్ర నిర్వహించనున్నట్లు నాదెండ్ల తెలిపారు. ఆంధ్రప్రదేశ్​ రాష్ట్రానికి వైసీపీ నుంచి విముక్తి తీసుకురావటానికికృషి చేస్తామని ఆయన వివరించారు. ప్రజల సమస్యల పరిష్కారానికి జనసేన ప్రయత్నిస్తుందన్నారు.

పర్యటనలో నిర్వహించనున్న కార్యక్రమాలు :రైతులు, మహిళలకు బాసటగా నిలవటానికి పవన్​ ప్రయత్నిస్తున్నారని తెలిపారు. జనసేనలో చేనేత వికాస విభాగం ఏర్పాటు చేసినట్లు వివరించారు. పవన్​ ఈ పర్యటనలో కల్లు గీత కార్మికులకు, భవన నిర్మాణ కార్మికులతో భేటీలు నిర్వహిస్తారని తెలిపారు. అంతేకాకుండా రైతులు, డ్వాక్రా సంఘాలు, మత్స్యకార సంఘాలతో కూడా భేటీ కార్యక్రమం ఉంటుందని తెలిపారు.

అసలు వారాహి ఏంటీ :జనసేన పార్టీ ఎన్నికల ప్రచారం కోసం ప్రత్యేకంగా రూపొందించిన వాహనామే వారాహి. అయితే పురాణాల ప్రకారం వారాహి అంటే శ్రీ మహా విష్ణువు దశవతారల్లో వారాహస్వామి అవతారం ఒక అవతారం కాగా.. వారహ స్వామి అర్థాంగి వారాహి. అమ్మవారి శక్తి రూపాల్లో వారాహి దేవి కూడా ఒకరు.