Pawan Counter to CM Jagan: ముఖ్యమంత్రి జగన్పై జనసేన అధినేత పవన్ కల్యాణ్ ట్విట్ల ద్వారా విరుచుకుపడుతున్నారు. మన సీఎంపై 'పాపం పసివాడు' సినిమా ఎవరైనా తీస్తారా అంటూ మొన్న ట్వీట్ చేసిన పవన్, నేడు అన్నమయ్య డ్యాం విషయంలో జగన్ ప్రభుత్వ నిర్లక్ష్యం, మోసాలను వివరిస్తూ మరోసారి ట్విట్టర్ వేదికగా ప్రశ్నల వర్షం కురిపిస్తున్నారు.
ఇంతకీ పవన్ ట్వీట్లో ఏముందంటే.. "అధికారికంగా 500 కోట్ల రుపాయల విలువైన ఏపీ సీఎం (అన్ని సీఎం లలో అత్యంత ధనవంతుడు) గురించి నిరంతరం మాట్లాడే వారికి సున్నితమైన రిమైండర్. కార్ల్ మార్స్క్ లాగా 'వర్గయుద్ధం'. 'అణచివేతకు గురైనవారిలా మాట్లాడటం'. ఇలాంటి ఏవైనా సందేహాలు ఉంటే, దయచేసి ఏపీ మానవ హక్కుల సంఘాలను సంప్రదించండి" అని ట్వీట్ చేశారు.
మరో ట్వీట్లో.. "2021 నవంబర్ 19వ తేదీన తెల్లవారుజామున కురిసిన అతి భారీ వర్షాలకు ఎన్నడూ రానంత వరద మూడు లక్షల ఇరవై వేల క్యూసెక్కులు రావడంతో సుమారు ఐదు గంటల 30 నిమిషాలకు డ్యాం మట్టికట్ట తెగిపోయింది. హఠాత్తుగా సంభవించిన ఈ వరద వలన చేయ్యేరు నది ఒడ్డున ఉన్న మందపల్లి, తొగురుపేట, పులపతూరు, గుండ్లూరు గ్రామాలలోని 33 మంది ప్రజలు జల సమాధి అయ్యారు. కేంద్ర జలవనరుల శాఖ మంత్రి గజేంద్ర సింగ్ షెకావత్ రాజ్యసభలో ఇది రాష్ట్ర ప్రభుత్వ వైఫల్యం అని స్పష్టంగా చెప్పారు. అంతర్జాతీయంగా ఈ ఘటన మీద కనుక అధ్యయనం జరిగితే మన దేశ ప్రతిష్టకు భంగం కలుగుతుందని వాపోయారు.