'ఓబీసీ బిల్లు ఆమోదం ఓ చారిత్రక ఘట్టం'

రాష్ట్రాల స్థాయిలో వెనుకబడిన తరగతులను గుర్తించే అధికారాన్ని రాష్ట్రాలకు అప్పగించేందుకు కేంద్రం ప్రవేశపెట్టిన ఓబీసీ బిల్లును ఆమోదించడంపై ప్రధాని నరేంద్ర మోదీ హర్షం వ్యక్తం చేశారు. పార్లమెంటు ఈ బిల్లు ఆమోదించడాన్ని ఓ మైలు రాయిగా అభివర్ణించారు.

పార్లమెంటులో ఓబీసీ బిల్లు ఆమోదం పొందడాన్ని ప్రధాని నరేంద్ర మోదీ ప్రశంసించారు. అట్టడుగు వర్గాలవారికి గౌరవం, అవకాశం, న్యాయం అందించడంలో తమ ప్రభుత్వ నిబద్ధతతో పని చేస్తోందన్నారు.

"127వ రాజ్యాంగ సవరణ బిల్లు-2021 ఉభయ సభలు ఆమోదించడం ఓ మైలురాయి. ఈ బిల్లు సామాజిక సాధికారతను మరింత పెంపొందిస్తుంది. ఇది అట్టడుగు వర్గాల వారిగి గౌరవం, అవకాశం, న్యాయం అందించడంలో ప్రభుత్వ నిబద్ధతను ప్రతిబింబిస్తుంది" అంటూ మోదీ ట్వీట్​ చేశారు.

రాష్ట్రాల స్థాయిలో వెనుకబడిన తరగతులను గుర్తించే అధికారాన్ని వాటికే అప్పగించేందుకు ఉద్దేశించిన ఓబీసీ బిల్లు పార్లమెంటు ఆమోదం పొందింది. 127వ రాజ్యాంగ సవరణ చట్టంగా దీనిని రాజ్య​సభలో బుధవారం ప్రవేశపెట్టగా.. ప్రభుత్వం ఈ బిల్లును గట్టెక్కించుకుంది. సుదీర్ఘ చర్చ అనంతరం లోక్​సభలో మంగళవారం ఆమోదం పొందింది.

ఇదీ చూడండి:ఉపరాష్ట్రపతిగా వెంకయ్య నాలుగేళ్ల స్ఫూర్తి ప్రయాణం