'పారదర్శకత కోసమే వాట్సప్​లో మార్పుల ప్రతిపాదన'

వాట్సప్​ ప్రతిపాదించిన గోప్యత విధానం అంశం.. పార్లమెంటరీ స్థాయీ సంఘం దృష్టికి వెళ్లింది. మరింత పారదర్శకత తెచ్చేందుకే ఈ మార్పులను ప్రతిపాదించినట్లు సంబంధిత వర్గాలు వివరణ ఇచ్చాయి.

గోప్యత విధానంలో వాట్సప్​ ప్రతిపాదించిన మార్పులపై గురువారం పార్లమెంటరీ స్థాయీసంఘం సంబంధిత వర్గాల వద్ద అభ్యంతరాలు లేవనెత్తింది. ఇన్ఫర్మేషన్​ టెక్నాలజీకి సంబంధించిన పార్లమెంటరీ స్థాయీసంఘం ఎదుట వాట్సప్ ప్రతినిధులు హాజరై తాము చేపట్టబోయే మార్పులను వివరించారు. మరింత పారదర్శకత తెచ్చేందుకే ఈ మార్పులకు ప్రతిపాదించినట్లు తెలిపారు.

ఫేస్​బుక్​, ట్విట్టర్, ఎలక్ట్రానిక్స్ ఐటీ మంత్రిత్వ శాఖ ప్రతినిధులతో పార్లమెంటరీ స్థాయీసంఘం వేర్వేరుగా చర్చించింది. ఈ సమావేశం అనంతరం వాట్సప్ అధికార ప్రతినిధి ఒక ప్రకటన విడుదల చేస్తూ భవిష్యత్తులోనూ కమిటీకి అన్నివిధాలుగా సహకరిస్తామన్నారు.

రంగంలోకి దిగిన ఫేస్​బుక్​..

వాట్సప్​ వినియోగదారుల్లో భయాలను పోగొట్టేందుకు దీని మాతృసంస్థ ఫేస్​బుక్​ రంగంలోకి దిగింది. గోప్యత విధానంలో ఫేస్​బుక్​ ద్వంద్వ ప్రమాణాలపై కేంద్ర ప్రభుత్వం ఇటీవల ఆగ్రహం వ్యక్తం చేసిన నేపథ్యంలో చర్యలకు ఉపక్రమించింది. రానున్న రోజుల్లో ఫేస్​బుక్​కు చెందిన కొందరు ప్రభుత్వ ప్రతినిధులతో చర్చించినట్లు సంబంధిత వర్గాలు తెలిపాయి.

ఇదీ చదవండి:వైకల్యాన్ని ఎదిరించి వ్యవసాయంలో విజయం