విపక్షాల నిరసన- లోక్​సభ రేపటికి వాయిదా

14:45 December 21

లోక్​సభ రేపటికి వాయిదా..

విపక్షాల ఆందోళనల నేపథ్యంలో లోక్​సభ రేపటికి వాయిదా పడింది.

13:35 December 21

విపక్షాల నిరసన..

లఖింపుర్​ ఖేరీ ఘటనపై లోక్​సభ, రాజ్యసభలోని విపక్ష నేతలు నిరసన చేపట్టారు. పార్లమెంట్​లోని గాంధీ విగ్రహం నుంచి విజయ్​ చౌక్​ వరకు మార్చ్​ నిర్వహించారు. కేంద్రమంత్రి అజయ్​ మిశ్రాను సస్పెండ్​ చేయాలని డిమాండ్​ చేశారు.

11:48 December 21

విపక్షాల నిరసనలతో లోక్​సభ మధ్యాహ్నం రెండు గంటలకు వాయిదా పడింది.

11:21 December 21

రాజ్యసభ వాయిదా

విపక్షాల నిరసనల మధ్య రాజ్యసభ మధ్యాహ్నం 2 గంటల వరకు వాయిదా పడింది.

బిజినెస్ అడ్వైజరీ కమిటీ సమావేశాల గైర్హాజరు అంశాన్ని ప్రస్తావించి విపక్షాలు నినాదాలు చేశాయి. సోమవారం బిజినెస్ అడ్వైజరీ కమిటీ సమావేశాలను నిర్వహించారు. ఈ భేటీకి విపక్షాలు గైర్హాజరయ్యాయి. తమకు సరైన సమయంలో సమాచారం అందించలేదని ప్రతిపక్ష పార్టీలు ఆరోపించాయి. తాము లేకుండానే సమావేశాలు నిర్వహించడాన్ని వ్యతిరేకించాయి.

10:45 December 21

పార్లమెంట్ లైవ్ అప్​డేట్స్

శీతాకాల సమావేశాల నేపథ్యంలో భాజపా పార్లమెంటరీ పార్టీ మీటింగ్ నిర్వహించింది. పార్టీకి చెందిన ఎంపీలు ఈ భేటీకి హాజరయ్యారు. సభలో అనుసరించాల్సిన వ్యూహాలపై చర్చించారు.

మరోవైపు, విపక్షాలు సైతం ప్రత్యేకంగా సమావేశమయ్యాయి. కేంద్ర మంత్రి అజయ్ మిశ్ర రాజీనామా సహా పలు అంశాలపై డిమాండ్ చేస్తున్న విపక్ష ఎంపీలు.. సభలో ఇవాళ అనుసరించాల్సిన ప్రణాళికలపై సమాలోచనలు జరిపారు.