పెగసస్​పై విపక్షాల నిరసన- ఉభయ సభలు 9వ తేదీకి వాయిదా

12:26 August 06

 విపక్షాల ఆందోళన నేపథ్యంలో లోక్​ సభ ఈ నెల 9వ తేదీకి వాయిదా పడింది. అయితే వాయిదాకు మందు పన్ను చట్టాల సవరణ బిల్లు లోక్​సభలో ఆమోదం పొందింది.

12:12 August 06

పెగసస్​ నిఘా వ్యవహారంపై విపక్షాల ఆందోళన రాజ్యసభలో కొనసాగింది. దీంతో సభ ఈ నెల 9వ తేదీకి వాయిదా పడింది. 

11:22 August 06

పార్లమెంటు సమావేశాలు లైవ్ అప్డేట్స్​

పెగసస్​ నిఘా వ్యవహారంపై పార్లమెంటు ఉభయసభల్లో విపక్షాల నిరసనలు కొనసాగుతున్నాయి. పెగసస్​ సాఫ్ట్​వేర్​కు సంబంధించి పూర్తి వివరాలు బయటపెట్టాలని డిమాండ్ చేస్తూ విపక్ష సభ్యులు తీవ్ర స్థాయిలో ఆందోళనలు చేస్తున్నారు. వెల్​లోకి దూసుకొచ్చి, ప్లకార్డులు ప్రదర్శిస్తూ నినాదాలు చేస్తున్నారు.

ఈ గందరగోళం మధ్య లోక్​సభ, రాజ్యసభ మధ్యాహ్నం 12 గంటల వరకు వాయిదా పడ్డాయి.

అంతకుముందు పార్లమెంట్​లో అనుసరించాల్సిన వ్యూహలపై విపక్ష నేతలతో కాంగ్రెస్​ అగ్రనేత రాహుల్​ గాంధీ చర్చించారు.

అలాగే వ్యవసాయ చట్టాలను రద్దు చేయాలని ఆందోళన చేస్తున్న రైతు సంఘాలకు మద్దతు తెలపడం కోసం విపక్షాల నేతలు జంతర్ మంతర్‌కు వెళ్లనున్నట్లు వెల్లడించారు కాంగ్రెస్​ సీనియర్​ నేత మల్లికార్జున ఖర్గే.