14:44 March 10
మార్చి 15 వరకు ఉభయ సభలు వాయిదా
సాగు చట్టాలపై చర్చ చేపట్టాలని విపక్షాలు ఆందోళనకు దిగిన క్రమంలో పార్లమెంట్ ఉభయ సభలు ఈనెల 15వ తేదీకి వాయిదా పడ్డాయి. రెండో విడత బడ్జెట్ సమావేశాల్లో భాగంగా మూడో రోజు సమావేశమవగా.. సాగు చట్టాలు, చమురు ధరలపై ఆందోళనకు దిగాయి విపక్షాలు. దీంతో సభల్లో ఎలాంటి కార్యకలాపాలు జరగకుండా.. వాయిదాల పర్వం కొనసాగింది.
బిల్లుకు ఆమోదం.
మధ్యవర్తిత్వం, సయోధ్య (సవరణ) బిల్లు-2021కు రాజ్యసభ ఆమోదం తెలిపింది.
12:10 March 10
రాజ్యసభ మరోమారు మధ్యాహ్నం 2గంటలకు వాయిదా పడింది. విపక్షాలు ఆందోళనలు విరమించక పోవడం వల్ల ఛైర్మన్ సభను వాయిదా వేశారు.
11:43 March 10
చమురు ధరల పెరుగుదలపై చర్చ జరపాలని లోక్సభలో విపక్షాలు పెద్ద ఎత్తున నినాదాలు చేశాయి. వీరి ఆందోళనల నడుమ సభను మధ్యాహ్నం 12:30 గంటలకు వాయిదా వేశారు స్పీకర్.
11:29 March 10
సాగు చట్టాలపై చర్చ జరపాలని రాజ్యసభలో విపక్షాలు ఆందోళనకు దిగాయి. దీంతో సభ 12 గంటల వరకు వాయిదా పడింది.
10:32 March 10
లైవ్: విపక్షాల రగడ- రాజ్యసభ 2గంటలకు వాయిదా
పార్లమెంట్ రెండో విడత బడ్జెట్ సమావేశాల్లో భాగంగా ఉభయ సభలు మూడో రోజు సమావేశమయ్యాయి.
పెరుగుతున్న చమురు ధరలపై విపక్షాలు రెండు రోజులుగా ఆందోళనలకు దిగిన కారణంగా సభలో ఎలాంటి కార్యకలాపాలు జరగలేదు.
