జనావాసాల్లో చిరుత హల్​చల్​ .. ఇళ్లపై జంప్ చేస్తూ...

Panther In Jaipur Residential Area: రాజస్థాన్​ జైపుర్​లో చిరుత హల్​చల్ చేసింది. జనావాస ప్రాంతంలోకి వచ్చి ప్రజలను భయభ్రాంతులకు గురిచేసింది. ఒక ఇంటి మీద నుంచి మరో ఇంటిమీదకు వెళ్తూ.. నగరవాసులను బెంబేలెత్తించింది.

Panther In Jaipur Residential Area: రాజస్థాన్​ జైపుర్​లోని మాళవియా నగర్ సెక్టార్​7​లో ఆదివారం ఉదయం చిరుత సంచారం కలకలం రేపింది. చిరుత ఒక ఇంటి మీద నుంచి మరో ఇంటిపైకి దూకుతూ.. కాలనీలో కొద్దిసేపు భయానక వాతావరణాన్ని సృష్టించింది. చిరుతను చూసిన ప్రజలు.. ఎత్తయిన భవనాలపైకి వెళ్లి వీడియోలు తీశారు.

ఇంటిమేడపై చిరుత హల్​చల్

ఇంటిపై చిరుత సంచారం

సమాచారం అందుకున్నఅటవీ అధికారులు, పోలీసులు ఘటనాస్థలికి చేరుకుని.. ప్రజలు ఇళ్ల నుంచి బయటకు రావద్దని హెచ్చరించారు. చాలాసేపు ప్రయత్నించి అతికష్టం మీద చిరుతను పట్టుకున్నారు. చిరుతను నహర్​ఘర్ సంరక్షణ కేంద్రానికి తరలించి వైద్యపరీక్షలు నిర్వహించారు. అనంతరం.. అడవిలో వదిలిపెట్టారు.

గోడ ఎక్కేందుకు యత్నిస్తున్న చిరుత

గోడపై కూర్చున్న చిరుత

ఆహారం, నీళ్లు వెతుక్కుంటూ ఒక్కోసారి చిరుతలు.. జనావాసాల్లోకి వస్తాయని అటవీ అధికారులు తెలిపారు. కొద్దిరోజుల క్రితం జైపుర్​లోని మోతీ దంగ్రీ ప్రాంతంలోనూ ఓ చిరుత హల్​చల్​ చేసిందన్నారు. ఆ చిరుతను సంరక్షించామని తెలిపారు.

ఇదీ చూడండి:ఫైరింగ్ ప్రాక్టీస్​లో​ అపశ్రుతి.. జవాను మృతి