మహారాష్ట్రలో కరోనా విలయం తాండవం చేస్తోందనే వార్తలు నిత్యం కలవరపరుస్తూనే ఉన్నాయి. దీనితో కరోనా నిర్దరణ పరీక్షల్లో ఉపయోగించే కిట్లకు భారీ డిమాండ్ ఏర్పడింది. ఇదే అదునుగా భావించి.. సొమ్ము చేసుకోవాలనుకుంటున్న కొందరు కాంట్రాక్టర్లు విచ్చలవిడిగా వ్యవహరిస్తున్నారు.
నిర్దరణ పరీక్షల్లో ఉపయోగించే ఆర్టీపీసీ-ఆర్ కిట్లను ఎటువంటి భద్రతా చర్యలు పాటించకుండానే ప్యాకింగ్ చేస్తున్న షాకింగ్ దృశ్యాలు వెలుగులోకి వచ్చాయి.
ఇదీ జరిగింది..
ఉల్లాస్నగర్ క్యాంప్-2 ఖేమానీ ప్రాంతంలోని మహిళలకు ఓ కాంట్రాక్టర్ టెస్టింగ్ కిట్ల ప్యాకింగ్ పనిని అప్పగించినట్లు సమాచారం. ఇంట్లోని మహిళలు, పిల్లలు కరోనా నిబంధనలు పాటించకుండానే ప్యాక్ చేస్తున్నారు. కనీసం మాస్క్ కూడా ధరించకుండా వారు ప్యాకింగ్ చేయడం గమనార్హం. ఇలాంటి చర్యలు కరోనా మరింత ప్రబలడానికి కారణవుతాయనే అభిప్రాయం వ్యక్తమవుతోంది. ప్రస్తుతం ఈ వీడియో సామాజిక మాధ్యమాల్లో వైరల్గా మారింది.
వెయ్యి కిట్లను ప్యాక్ చేస్తే.. రూ.20 అందుతాయని మురికివాడల్లోని మహిళలు చెబుతున్నారు. మాస్క్లు, శానిటైజర్ అలాంటివి ఏవీ ఇవ్వుకుండా తమ ఆర్థిక పరిస్థితిని కాంట్రాక్టర్ సొమ్ము చేసుకుంటున్నాడని అంటున్నారు.
ఇవీ చదవండి:అక్కడ ప్రతి ఇద్దరిలో ఒకరికి పాజిటివ్‌!
