'అయోధ్య గుడికి రూ.1,511కోట్ల విరాళాలు'

అయోధ్యలో రామమందిర నిర్మాణానికి రూ.1500 కోట్లకు పైగా విరాళాలు వచ్చినట్లు ఆలయ ట్రస్ట్​ వెల్లడించింది. ఈ మొత్తం ఫిబ్రవరి11 సాయంత్రం నాటికి వచ్చినట్లు తెలిపింది.

అయోధ్య రామమందిర నిర్మాణానికి రూ.1,511కోట్ల విరాళాలు వచ్చినట్లు రామజన్మభూమి తీర్థ క్షేత్ర ట్రస్టు కోశాధికారి​ స్వామి గోవింద్​ దేవ్​ గిరి మహరాజ్ 'ఈటీవీ భారత్'​తో తెలిపారు. ఈ మొత్తం ఫిబ్రవరి 11 సాయంత్రం నాటికి అందినట్లు వెల్లడించారు.

మొదట ఈ ఆలయ నిర్మాణానికి రూ.1,100కోట్లకు పైగా ఖర్చవుతుందని ట్రస్ట్​ అంచనా వేసింది. ఆలయ నిర్మాణం కోసం చుట్టుపక్కల ఉన్న భూమిని కూడా కొనడానికి ట్రస్ట్​ ప్రయత్నిస్తోందని, అందుకే ఖర్చు ముందుగా అంచనా వేసిన దానికంటే ఎక్కువే కావచ్చన్నారు.

అయితే ఆలయ నిర్మాణం మూడున్నరేళ్లలో పూర్తికాకున్నా బాల రాముడి విగ్రహాన్ని గుడిలో ప్రతిష్ఠిస్తామని స్వామి గోవింద్ తెలిపారు.

ఇదీ చూడండి:'రామ మందిర నిర్మాణానికి రూ.1000కోట్ల విరాళాలు'