రూపాయికే మెడిసిన్.. పేదల పాలిట 'స్టాలిన్​'

One Rupee Medicine For Poor: ఒడిశాలోని ఓ వైద్యుడు పేదలు, అనాథల పాలిట ఆపద్భావందవుడిలా నిలుస్తున్నారు. ఏడాది క్రితమే 'రూపాయికే వైద్యం' ప్రారంభించి ఎంతోమంది పేదలకు వైద్య సాయం చేసిన ఆయన.. వారికోసం ఇప్పుడు 'రూపాయికే మెడిసిన్' అనే మరో కార్యక్రమానికి శ్రీకారం చుట్టారు.

One Rupee Medicine For Poor: 'మానవసేవే మాధవసేవ' లాంటి సూక్తులు ఆయన్ను ఆలోజింపచేశాయి. కార్పొరేట్ వైద్యానికి నోచుకోని పేదలు, అభాగ్యులను చూసి ఆయన చలించారు. పేద రోగులకు తన వంతు సాయం చేయాలని నిర్ణయించుకున్నారు.

పేదలకు ఔషధాలు అందిస్తున్న డాక్టర్ శంకర్ రామ్​చందాని

రూపాయికే వైద్యంతో పాటు ఔషధాలు అందిస్తూ.. ఒడిశా సంబల్​పుర్​లోని పేదలు, అనాథలు, అభాగ్యుల పాలిట ఆపద్భాందవుడిలా నిలుస్తున్నారు డాక్టర్ శంకర్ రామ్​చందాని. పేదలకోసం ఏడాది క్రితమే సంబల్​పుర్​లోని బుర్లా పట్టణంలో 'వన్​ రూపీ క్లినిక్' ప్రారంభించారు రామ్​చందాని. ఇప్పటివరకు దాదాపు 7వేల మంది పేదలు, అనాథలకు వైద్యం చేశారు.

మహిళకు వైద్యం చేస్తూ..

అందుకే క్లినిక్..

అయితే.. తాను రాసిచ్చిన మందులను పేద ప్రజలు కొనలేకపోతున్నారని గ్రహించిన రామ్​చందాని.. ఇప్పుడు 'రూపాయికే మెడిసిన్' అనే సరికొత్త కార్యక్రమానికి శ్రీకారం చుట్టారు. పెద్ద పెద్ద కార్పొరేట్ ఆస్పత్రుల్లో లభించే మందులను కేవలం ఒక్క రూపాయికే పేదలకు అందిస్తున్నారు.

వైద్యం కోసం వచ్చిన ప్రజలు

వీర్ సురేంద్ర సాయ్ మెడికల్ ఇన్​స్టిట్యూట్​లో అసిస్టెంట్​ ప్రొఫెసర్​గా పనిచేస్తున్న రామ్​చందాని.. ఖాళీ సమయాల్లో ఇలా పేదలకు వైద్యం, ఔషధాలు అందిస్తూ తన సేవాతత్పరతను చాటుతున్నారు. పేదలకు వైద్య సాయం చేయాలన్న తన తండ్రి కలను నెరవేర్చినందుకు తనకు సంతృప్తిగా ఉందని అంటున్నారు.

ఇదీ చూడండి:పెళ్లితో ఒక్కటైన ట్రాన్స్​జెండర్ల జంట- ఇలా దేశంలోనే తొలిసారి!