లక్షా ఎనిమిది వడలతో అంజన్నకు అలంకరణ

హనుమాన్ జయంతి సందర్భంగా తమిళనాడులోని ఓ ఆంజనేయ స్వామి ఆలయంలో భక్తులు ఘనంగా పూజలు నిర్వహించారు. స్వామి విగ్రహాన్ని లక్షా ఎనిమిది వడా మలైలతో అలంకరించారు.

తమిళనాడులోని నమక్కల్​ జిల్లా ఆంజనేయర్​ దేవాలయంలో భక్తులు మంగళవారం ఘనంగా పూజలు నిర్వహించారు. హనుమాన్ జయంతి సందర్భంగా లక్షా ఎనిమిది వడా మలై(వడ)లతో ఆంజనేయ విగ్రహాన్ని అలంకరించారు.

ఉదయం 4.45 గంటలకు స్వామి వారికి ప్రత్యేక ఆరాధన, అభిషేకం చేసి వడా మలై కార్యక్రమం చేశారు. ఆంజేయర్​ స్వామి దర్శనార్థం భక్తులు ఇతర రాష్టాల నుంచీ భారీ సంఖ్యలో తరలివచ్చారు.

హనుమాన్​ జయంతి సందర్బంగా ఆంజనేయర్​ ఆలయంలో ఘనంగా పూజలు

ఆంజనేయుడి అనుగ్రహం కోసం లక్షల సంఖ్యలో వచ్చిన భక్తులు తప్పనిసరిగా మాస్కు ధరించాలని ఆలయ కమిటీ నిబంధనలు పెట్టింది. కొవిడ్​ నేపథ్యంలో తగిన ఏర్పాట్లు చేసి భక్తులను పరీక్షించింది.

ఇదీ చదవండి:ఎడ్లబండిపై నడ్డా సవారీ.. జల్లికట్టుకు రాహుల్​