అయోధ్యలో రామ మందిర నిర్మాణం కోసం విరాళాల సేకరణ ముమ్మరంగా సాగుతోంది. ఆలయ నిర్మాణం కోసం తమ వంతుగా సాయం అందిస్తున్నారు ప్రజలు. ఈ క్రమంలోనే రాముడిపై ఉన్న భక్తితో తాను జీవిత కాలంలో సంపాదించుకొని దాచుకున్నదంతా ఇచ్చేశాడు ఉత్తర్ప్రదేశ్ లఖ్నవూకు చెందిన శ్రీకాంత్ వాజ్పేయీ అనే వృద్ధుడు. రాష్ట్ర పురపాలక శాఖ మంత్రి ఆశుతోష్ టాండన్కు రూ.45 లక్ష చెక్కును అందించాడు.
లఖ్నవూ గోమతీనగర్లో ఆయన సోదరుడు వినోద్ కుమార్ పాండే నివాసంలో విరాళం అందించినట్లు మంత్రి ఆశుతోష్ తెలిపారు. వాజ్పేయీ అందించిన విరాళం ఎందరికో స్ఫూర్తినిస్తుందని కొనియాడారు. ఈ సందర్భంగా.. వృద్ధుడిని శాలువాతో సన్మానించి, కృతజ్ఞతలు తెలిపారు మంత్రి.
శ్రీకాంత్ వాజ్పేయీని సన్మానిస్తున్న మంత్రి శ్రీకాంత్ వాజ్పేయీకి రామ మందిర చిత్రాన్ని అందిస్తున్న మంత్రి వారి జ్ఞాపకార్థం..
రూ. 45 లక్షల విరాళంలో.. భార్య అశోక్ కుమారి జ్ఞాపకార్థం రూ.21 లక్షలు, తండ్రి శివపాల్ వాజ్పేయీ జ్ఞాపకార్థం రూ.11 లక్షలు, తన పేరిట రూ.11 లక్షలు, తన బంధువుల పేరిట రూ.1 లక్ష ఇచ్చినట్లు చెప్పారు వాజ్పేయీ. అలాగే.. ఒక లక్ష రూపాయలు సాకేత్ నగర్ కల్యాణ్ సమితి ఆధ్వర్యంలో సేకరించినట్లుగా తెలిపారు.
రూ.5 కోట్లు విలువైన ఇంటినీ..
రామ మందిర నిర్మాణానికి కాన్పుర్లో ఉన్న రూ.5 కోట్లు విలువైన తన ఇంటిని సైతం ఇచ్చేందుకు సిద్ధంగా ఉన్నట్లు చెప్పారు వాజ్పేయీ. ఆయన కాన్పుర్లోని ఆర్య నగర్ కళాశాలలో ప్రిన్సిపాల్గా విధులు నిర్వర్తించి పదవీ విరమణ పొందారు. మాజీ ప్రధాని అటల్ బిహారీ వాజ్పేయీతో మంచి సంబంధాలు ఉన్నాయి.
ఇదీ చూడండి:రామాలయ నిర్మాణానికి గంభీర్ రూ.కోటి విరాళం
