స్మార్ట్ మిర్రర్ చేసిన ఒడిశా కుర్రాడు
అలెక్సా.. ప్రస్తుతం ఈ పేరు తెలియనివారుండరు. ఇంట్లో కూర్చున్న దగ్గరే మనకోసం అన్ని స్మార్ట్ పనులు చేసిపెట్టే అసిస్టెంట్ ఇది. అయితే.. ఇలాంటి అసిస్టెంట్నే విభిన్నంగా తయారు చేశాడు ఒడిశా కటక్కు చెందిన ఓ ఇంజినీరింగ్ కుర్రాడు. భువనానంద ఒడిశా స్కూల్ ఆఫ్ ఇంజినీరింగ్కు చెందిన స్వాధిన్ దాస్.. వాయిస్తో పనిచేసే 'స్మార్ట్ మిర్రర్' తయారు చేసి అందరినీ ఆశ్చర్యపరిచాడు. తన ప్రతిభకు సాటిలేదని నిరూపించుకున్నాడు.
ఎల్ఈడీ మానిటర్, రాస్ప్బెర్రీ పీఐ, ఆర్టిఫీషియల్ ఇంటెలిజెన్స్ మొదలైన హార్డ్వేర్ టెక్నాలజీతో కూడిన టూవే మిర్రర్ను ఉపయోగించి ఈ 'స్మార్ట్ మిర్రర్' తయారు చేశాడు స్వాధిన్. దీని కోసం దాదాపు రూ. 20 వేల వరకు ఖర్చు చేసినట్లు తెలిపాడు.