ఎన్​కౌంటర్​లో గ్యాంగ్​స్టర్​ ఫజ్జా హతం

70 కేసుల్లో ప్రధాన నిందితుడిగా ఉన్న గ్యాంగ్​స్టర్​ ఫజ్జాను ఎన్​కౌంటర్ చేశారు దిల్లీ పోలీసులు. శనివారం రాత్రి ఈ కాల్పులు జరిగినట్లు పేర్కొన్నారు.

గ్యాంగ్​స్టర్ కుల్దీప్​ మాన్ అలియాస్ ఫజ్జాను ఎన్​కౌంటర్​లో కాల్చి చంపారు దిల్లీ పోలీసులు. శనివారం రాత్రి జరిపిన ఎన్​కౌంటర్​లో ఫజ్జా గ్యాంగ్​కు చెందిన మరో క్రిమినల్​నూ చంపినట్లు పోలీసులు స్పష్టం చేశారు.

ఇదీ జరిగింది..

70 కేసుల్లో ప్రధాన నిందితుడిగా ఉన్న ఫజ్జాను దిల్లీ పోలీసులు గతంలో అరెస్టు చేశారు. అయితే.. అనారోగ్యం కారణంగా అతడ్ని గురు తేజ్ బహదూర్​ ఆసుపత్రిలో చేర్పించారు. ఈ క్రమంలోనే గురువారం ఆసుపత్రి నుంచి పారిపోయాడు ఫజ్జా. తర్వాత పోలీసులకు చిక్కకుండా రోహిన్​ సెక్టార్ 14లోని తులసి అపార్ట్​మెంట్​లో దాక్కున్నాడు.

శనివారం నిందితుడు ఉన్న స్థలాన్ని గుర్తించిన దిల్లీ పోలీసులు.. ఎన్​కౌంటర్​ జరిపి ఫజ్జాను మట్టుబెట్టారు.

ఇదీ చదవండి:నాస్తికత్వానికి టాటా- డీఎంకే.. హిందూ ఓట్ల వేట!