Non Allowable Items In Train Journey : ప్రమాదవశాత్తు రైలులోని గ్యాస్ సిలిండర్ పేలి 9 మంది మరణించిన ఘటన తమిళనాడులోని మదురైలో జరిగింది. ఈ క్రమంలోనే అసలు అనుమతి లేని గ్యాస్ సిలిండర్ను రైలులోకి ఎలా తీసుకువెళ్లారనే ప్రశ్న ఉత్పన్నం అవుతోంది. ఈ నేపథ్యంలో అసలు రైలులో ఏ ఏ పదార్థాలు తీసుకెళ్లొచ్చు? నిషేధిత వస్తువులతో ప్రయాణికుడు దొరికితే ఎలాంటి శిక్షలు వేస్తారు? అన్న విషయాలను ఇప్పుడు తెలుసుకుందాం
- తోలు/చర్మం
- పేలుడు పదార్థాలు, ఖాళీ గ్యాస్ సిలిండర్లు
- పెట్రోల్, డీజిల్, కిరోసిన్, బాణసంచా
- 20 కిలోల మించిన నెయ్యి
- ఎండు గడ్డి, ఆకులు, పేపర్లు
- చనిపోయిన కోళ్లు
- యాసిడ్లు, మండే గుణం ఉన్న రసాయనాలు
వీటితో పాటు పొగ తాగడాన్ని కూడా రైల్వే శాఖ నిషేధించింది. రైళ్లలోనే కాకుండా స్టేషన్లో తాగినా అపరాధంగా భావిస్తోంది. ఎవరైనా ప్రయాణికుడు పేలుడు పదార్థాలైన (Items Banned in Trains India) పెట్రోల్, గ్యాస్తో ప్రయాణిస్తే రూ. 1,000 జరిమానా విధిస్తారు. ఫైన్తో పాటు రైల్వే చట్టం 1989 సెక్షన్ 164,165 ప్రకారం మూడేళ్ల జైలు శిక్ష వేస్తారు.
ట్రైన్లో గ్యాస్ సిలిండర్ పేలి 9 మంది మృతి
Madurai Train Accident Today : శనివారం ఉదయం తమిళనాడులోని మదురై రైల్వే స్టేషన్ వద్ద ఆగి ఉన్న రైలులో మంటలు చెలరేగాయి. ఈ ఘటనలో 9 మంది పర్యటకులు మృతి చెందారు. దాదాపు 20 మందికి పైగా గాయపడినట్లు సమాచారం. దక్షిణాదిలో ఆధ్యాత్మిక పర్యటన కోసం ఉత్తర్ప్రదేశ్లోని లఖ్నవూ నుంచి ఆగస్టు 17న ఓ టూరిస్ట్ రైలు బయలుదేరింది. అందులో 60 మందికి పైగా యాత్రికులు తమిళనాడు నాగర్కోయిల్లోని పద్మనాభ స్వామి ఆలయంలో దర్శనం చేసుకుని శనివారం తెల్లవారుజామున రైలులో మదురై చేరుకున్నారు. అయితే ఆ రైలు.. మదురై రైల్వే స్టేషన్కు ఒక కిలో మీటరు దూరంలో నిలిచిపోయింది. ఈ క్రమంలో తమతో పాటు తెచ్చుకున్న సిలిండర్ను ఉపయోగించి టీ తయారు చేసుకుందామనుకున్నారు. అయితే టీ చేసుకునే ప్రయత్నంలో సిలిండర్ పేలి మంటలు (Madurai Train Fire News) చెలరేగాయి. వెంటనే ఆ మంటలు రెండు కోచ్లకు వ్యాపించాయి. మంటలు చెలరేగిన వెంటనే కొంతమంది ప్రయాణికులు అప్రమత్తమై కిందకు దిగారు. అయితే కొందరు అందులోనే చిక్కుకుపోయి మరణించారు.
చెన్నై-బెంగళూరు ఎక్స్ప్రెస్లో పొగలు.. ప్రయాణికులు హడల్.. 12 నిమిషాల్లోనే..
Fire In Express Train : ఎక్స్ప్రెస్ రైలులో ఒక్కసారిగా మంటలు.. బెంగళూరు స్టేషన్లోనే..
