కుక్కల నుంచి మనుషులకు కరోనా.. నిజమేనా?

మీ ఇంట్లో పెంపుడు జంతువులు ఉన్నాయా? వాటితో ఆడుకోవడం ఇష్టమా? కరోనా సమయంలోనూ వాటితో సరదాగా గడుపుతున్నారా? అయితే మీరు ఈ వార్త చదవాల్సిందే! వాటి నుంచి మీకు కరోనా వస్తుందా? లేదా తెలుసుకోండి.

కుక్కల నుంచి కరోనా వ్యాపిస్తుందా అనే విషయంపై పెటా(పీపుల్ ఫర్ ఎథికల్ ట్రీట్​మెంట్ ఆఫ్ యానిమల్స్) స్పష్టతనిచ్చింది. శునకాల ద్వారా మనుషులకు కరోనా సోకిన కేసులేవీ ఇప్పటివరకు బయటపడలేదని పేర్కొంది. అయితే మనుషుల నుంచి కుక్కలకు, ఇతర పెంపుడు జంతువులకు కరోనా సోకే ప్రమాదం ఉందని తెలిపింది.

"జంతువుల నుంచి మనుషులకు కరోనా సోకిన కేసులేవీ ఈ రోజు వరకు బయటపడలేదు. ముఖ్యంగా పెంపుడు జంతువులైన కుక్కలు, పిల్లుల నుంచి ఈ ప్రమాదం లేదు. కానీ, మనుషుల నుంచి జంతువులకు కరోనా సోకిన ఘటనలు వెలుగులోకి వచ్చాయి."

-మణిలాల్ వల్లియతే, పెటా ఇండియా సీఈఓ

పెంపుడు జంతువుల నుంచి కరోనా సోకే అవకాశం లేదని దిల్లీకి చెందిన సీనియర్ వెటర్నరీ డాక్టర్ రామ్ జతన్ సైతం స్పష్టం చేశారు. కుక్కలకు ఇచ్చే కరోనా టీకా ఇప్పటికే అందుబాటులోకి వచ్చిందని తెలిపారు. శునకాలకు వచ్చే కరోనా స్ట్రెయిన్ సైతం వేరు అని చెప్పారు. ఈ నేపథ్యంలో పెంపుడు జంతువులకు టీకా వేయించాలని సూచించారు. కరోనా వచ్చినవారు జంతువులకు దూరంగా ఉండటం మేలని అన్నారు.

ఇవీ చదవండి-