తమిళనాడు దివంగత ముఖ్యమంత్రి జయలలిత నెచ్చెలి వీకే శశికళ(Sasikala) రాజకీయ రీఎంట్రీపై వస్తున్న వార్తలపై స్పందించారు అన్నాడీఎంకే సీనియర్ నేత కే పళనిస్వామి(Palaniswami). శశికళ, ఆమె కుటుంబసభ్యులకు పార్టీలో చోటు ఉండదని తేల్చిచెప్పారు.
పార్టీ నేతల మధ్య భిన్నాభిప్రాయాలు తీసుకొచ్చేందుకు కొందరు ఆడియో టేప్లు విడుదల చేశారని పళనిస్వామి ఆరోపించారు. కార్యకర్తలను తప్పుదోవ పట్టించాలనే ప్రయత్నాలు ఎప్పటికీ సఫలం కావని అన్నారు.
'శశికళ ప్రస్తుతం అన్నాడీఎంకే పార్టీలో లేరు. ఆమెకు పార్టీతో సంబంధం లేదు. ఈ విషయాన్ని ఇంతకు ముందు కూడా స్పష్టం చేశాం' అని అన్నాడీఎంకే సీనియర్ నేత మునుస్వామి తెలిపారు. రాజకీయాలకు దూరంగా ఉంటానని ఎన్నికల ముందు ఆమే స్వయంగా చెప్పారని గుర్తుచేశారు.