'హజ్ యాత్రపై ఇంకా నిర్ణయం తీసుకోలేదు'

ఈ ఏడాది జరగనున్న హజ్​ యాత్రపై ప్రభుత్వం ఇంకా ఎలాంటి నిర్ణయం తీసుకోలేదని అన్నారు కేంద్ర మైనారిటీ వ్యవహారాల మంత్రిత్వ శాఖ మంత్రి ముఖ్తార్​ అబ్బాస్​ నఖ్వీ. యాత్ర ఉంటుందా! ఉండదా! అనే అంశంలో భారత్​ నిర్ణయం.. సౌదీ అరేబియా ప్రభుత్వం తీసుకునే నిర్ణయంపై ఆధారపడి ఉంటుందని చెప్పారు.

ఈ ఏడాది జరగనున్న హజ్​ యాత్రపై ప్రభుత్వం ఇంకా ఎలాంటి నిర్ణయం తీసుకోలేదని కేంద్ర మైనారిటీ వ్యవహారాల మంత్రిత్వశాఖ మంత్రి ముఖ్తార్​​ అబ్బాస్​ నఖ్వీ అన్నారు. కరోనా రెండో దశ కొనసాగుతున్నందున హజ్​ యాత్రపై సౌదీ అరేబియా ప్రభుత్వం తీసుకునే నిర్ణయం పక్షాన భారత్ నిలుస్తుందని చెప్పారు.

హజ్​ యాత్ర సౌదీ అరేబియా ప్రభుత్వం తీసుకునే నిర్ణయంపై ఆధారపడి ఉంటుంది. సౌదీతో భారత్​కు స్నేహపూర్వక సంబంధం ఉంది. సౌదీ తీసుకునే నిర్ణయాన్ని భారత్​ గౌరవిస్తుంది. గత ఏడాది యాత్రను రద్దైంది. ఈ ఏడాది ఇంకా ఏ నిర్ణయం తీసుకోలేదు.

-ముఖ్తార్​​ అబ్బాస్​ నఖ్వీ, కేంద్ర మైనారిటీ వ్యవహారాల మంత్రి

విదేశీయులతో కలిపి హజ్​ యాత్రకు ప్రతి ఏడాది 20లక్షల మంది హాజరవుతారు. 2019లో భారత్​ నుంచి 2లక్షల మంది యాత్రకు వెళ్లారు.

ఇవీ చదవండి:'రాహుల్.. వ్యాక్సిన్లు ఏమవుతున్నాయో తెలీదా?'