కేంద్రం ప్రవేశపెట్టిన నూతన వ్యవసాయ చట్టాలకు బిహార్ ముఖ్యమంత్రి నితీశ్ కుమార్ మద్దతు తెలిపారు. మోదీ ప్రభుత్వం తీసుకువచ్చిన ఈ చట్టాలు రైతుల మేలు కోసమేనని అన్నారు. కర్షకులకు ఇవి వ్యతిరేకం కాదని వ్యాఖ్యానించారు. ప్రధాని నరేంద్ర మోదీతో గురువారం జరిగిన భేటీ అనంతరం.. ఈ విషయాలు తెలిపారు.
ప్రధానితో ప్రత్యేకించి ఎలాంటి డిమాండ్లను ప్రస్తావించలేదని.. వివిధ సమస్యలపై చర్చించామని నితీశ్ వెల్లడించారు.
చర్చలు సరైనవే..
చట్టాలను వ్యతిరేకిస్తున్న రైతులతో చర్చలు జరపడం ద్వారా కేంద్రం సరైన మార్గాన్ని ఎంచుకుందని అభిప్రాయపడ్డారు. ఈ సమస్యకు త్వరలోనే పరిష్కారం దొరుకుతుందని ఆశాభావం వ్యక్తం చేశారు.
తప్పులేదు..
'బిహార్లో నితీశ్ ప్రభుత్వం ఎక్కువ కాలం నిలబడదు' అని వస్తున్న ఆరోపణలపై స్పందించిన సీఎం.. ఈ ఆరోపణలతో వారికి ప్రచారం లభిస్తుంది అనుకుంటే అందులో ఎలాంటి తప్పులేదన్నారు. ఈ నేతలంతా వాస్తవాలకు దూరంగా ఉండే వారంటూ విమర్శించారు. బిహార్లో గతేడాది ప్రభుత్వం ఏర్పడ్డాక మోదీని నితీశ్ కలవడం ఇదే తొలిసారి.
ఇదీ చదవండి :'ధనికుల కోసం, ధనికుల చేత, ధనికుల బడ్జెట్'
