Nirmala Sitharaman News: కాంగ్రెస్ పాలనలో దేశం అంధకారంలో ఉందన్నారు కేంద్ర ఆర్థిక మంత్రి నిర్మలా సీతారామన్. అవినీతి, రెండు అంకెల ద్రవ్యోల్బణం సహా ఆర్థిక వ్యవస్థను దిగజార్చే అన్ని అంశాలు కాంగ్రెస్ హయాంలో రాజ్యమేలాయన్నారు. ఇటీవల కేంద్రం ప్రవేశపెట్టిన బడ్జెట్పై ప్రతిపక్షాలు విమర్శలు వ్యక్తం చేసిన నేపథ్యంలో గురువారం జరిగిన లోకసభ సమావేశంలో నిర్మలా ఈ వ్యాఖ్యలు చేశారు.
ఇది అమృతకాలం..
భాజపా అధికారంలోకి వచ్చాక పరిస్థితి మారిందన్నారు ఆర్థిక మంత్రి. ప్రస్తుతం దేశం ఆర్థికంగా పుంజుకుంటోందన్నారు. 2020-21 సంవత్సరంలో దేశంలో 1 బిలియన్ డాలర్ విలువ చేరుకున్న 42 స్టార్టప్లను గుర్తించామని వెల్లడించారు. దేశంలో అమృతకాలానికి ఇదే నిదర్శనమన్నారు.
2020-2021 మధ్య 44.58 జనధన్ ఖాతాల్లో రూ.1.57 లక్షల కోట్లు డిపాజిట్ అయినట్లు నిర్మలా సీతారామన్ వెల్లడించారు. ఎంఎస్ఎమ్ఈలకు రూ.2.36 లక్షల కోట్లను సాయం అందించినట్లు తెలిపారు. పీఎం ముద్ర యోజన పథకం కింద ఇప్పటివరకు 1.2 కోట్ల ఉద్యోగాలు వచ్చాయని పేర్కొన్నారు. నిరుద్యోగం కూడా బాగా తగ్గిందని.. మహమ్మారికి ముందున్న స్థాయికి చేరిందని తెలిపారు.
ఇదీ చూడండి :వడ్డీ రేట్లపై ఆర్బీఐ కీలక ప్రకటన- వరుసగా పదోసారీ..
