'బంగాల్ హింసాత్మక ఘటనల్లో బాలలు'

బంగాల్లో ఎన్నికల ఫలితాలు వెలువడిన అనంతరం జరిగిన హింసపై బాలల హక్కుల రక్షణ కమిషన్ ఆందోళన వ్యక్తం చేసింది. హింసాత్మక సంఘటనల్లో పాల్గొనడానికి చాలా మంది పిల్లలను నియమించినట్లు ఫిర్యాదులు అందాయని పేర్కొంది. వీటిపై నివేదిక ఇవ్వాలని బంగాల్ ప్రధాన కార్యదర్శికి లేఖ రాసింది.

బంగాల్​లో ఎన్నికల ఫలితాలు వెలువడిన అనంతరం జరిగిన హింసాత్మక సంఘటనల్లో పాల్గొనడానికి చాలా మంది పిల్లలను నియమించినట్లు ఫిర్యాదులు అందాయని బాలల హక్కుల రక్షణ కమిషన్ (ఎన్‌సీపీసీఆర్)పేర్కొంది. వీటిపై ఆందోళన వ్యక్తం చేస్తూ బంగాల్ ప్రధాన కార్యదర్శికి ఎన్‌సీపీసీఆర్ లేఖ రాసింది. హింసపై సమగ్ర నివేదికను కోరింది.

బంగాల్ లో ఈనెల 3న పెద్ద ఎత్తున్న హింస చెలరేగింది. భాజపా కార్యకర్తలు ఘర్షణల్లో చనిపోయారు. చాలా మంది గాయపడ్డారు. దీనికి సంబంధించి పలు మీడియా నివేదికలు వచ్చాయని కమిషన్ తెలిపింది.

"మే 2 న బంగాల్ లో ఎన్నికల ఫలితాలు వెలువడినప్పటి నుంచి రాష్ట్రవ్యాప్తంగా అనేక హింస సంఘటనలు నమోదవుతున్నాయి. ఇవి ప్రజలను భయపెడుతున్నాయి. అలాగే వారి ప్రాణాలకు ముప్పుగా మారాయి. ముఖ్యంగా హింసాత్మక ఘటనలు పిల్లలకు మరింత హాని కలిగించే అవకాశాలు ఉన్నాయి."

-ప్రియాంక్ కనుంగో, ఎన్‌సీపీసీఆర్ ఛైర్ పర్సన్

హింసాత్మక సంఘటనలలో పాల్గొనడానికి చాలా మంది పిల్లలను నియమించినట్లు ఫిర్యాదులు అందాయని ప్రియాంక లేఖలో పేర్కొన్నారు. "ఈ ఘోర పరిస్థితుల్లో పిల్లల భద్రత, శ్రేయస్సుకు సంబంధించి రాష్ట్రంలో జరుగుతున్న ఈ హింస సంఘటనలపై మీ కార్యాలయాలు తప్పనిసరిగా విచారణ జరపాలి ” అని లేఖలో వివరించారు.

పిల్లలు హింసలో పాల్గొన్న విషయంపై విచారణ జరపాలని తెలిపారు. అలాగే తీసుకున్న చర్యల గురించి సమాచారంతో పాటు నివేదికను ఏడు రోజుల్లోగా ఎన్‌సీపీసీఆర్​కు అందించాలని తెలిపారు.

ఇదీ చదవండి:వాట్సాప్​తో వ్యాక్సిన్‌ సెంటర్‌ తెలుసుకోండిలా!