'నా తండ్రి శవం అక్కర్లేదు.. డబ్బులిస్తే చాలు'

తండ్రి మృతిపట్ల అమానవీయంగా ప్రవర్తించాడు ఓ కుమారుడు. అధికారులే అంత్యక్రియలు నిర్వహించాలి అని చెప్పడమే కాక తండ్రి వద్ద ఉన్న డబ్బును ఇప్పించాలని కోరాడు.

కరోనా కారణంగా ప్రాణాలు కోల్పోయిన తండ్రి మృతదేహానికి అంత్యక్రియలు నిర్వహించేందుకు కుమారుడు తిరస్కరించాడు. ఈ అమానుష ఘటన కర్ణాటకలోని మైసూరులో జరిగింది.

మృతుడి కుమారుడితో మాట్లాడుతున్న అధికారి

కరోనాతో మృతిచెందిన తండ్రి

ఇటీవల కరోనా సోకి ఆస్పత్రిలో చేరిన బాధితుడు మృతిచెందాడు. మృతదేహాన్ని కుమారుడికి అప్పగించేందుకు నగర పాలక సంస్థ సభ్యుడు కేవీ శ్రీధర్​ అతడిని సంప్రదించారు. అయితే తండ్రి మృతి పట్ల స్పందన వ్యక్తం చేయని అతడు.. 'మీరే అంత్యక్రియలు నిర్వహించండి. నాకు మాత్రం ఆయన వద్ద ఉన్న ఆరు లక్షలు ఇప్పించండి'​ అని పేర్కొన్నాడు.

ఇదీ చదవండి :వ్యాక్సిన్ వద్దని నదిలో దూకి పరార్​!