నా మంత్రులకు హిందీ రాదు.. సీఎస్​ను మార్చండి: సీఎం లేఖ

కేంద్రం నియమించిన సీఎస్​ను (Mizoram CS) మార్చాలని కేంద్ర హోం మంత్రి అమిత్​ షా కు లేఖ రాశారు మిజోరం ముఖ్యమంత్రి, మిజో నేషనల్​ ఫ్రంట్​ అధ్యక్షుడు జొరాంథంగా (Mizoram CM). తమకు హిందీ అర్థం కాకపోవడమే కారణమని చెప్పారు.

మిజోరం(Mizoram news) ఎన్​డీఏలో సంఘర్షణ తలెత్తినట్లు తెలుస్తోంది. కేంద్రం నియమించిన ప్రభుత్వ ముఖ్య కార్యదర్శిని (Mizoram CS) మార్చాలని ముఖ్యమంత్రి, ఎన్​డీఏ భాగస్వామి మిజో నేషనల్​ ఫ్రంట్​ అధ్యక్షుడే (Mizoram CM) స్వయంగా కేంద్ర హోం మంత్రి అమిత్​ షా కు లేఖ రాయడం సంచలనంగా మారింది.

మిజోరం కేబినెట్​లోని చాలా మంది మంత్రులకు, రాష్ట్ర ప్రజలకు హిందీ రాదని, ఇంగ్లీష్​ కూడా సరిగా అర్థం చేసుకోలేరని కారణం చెప్పడం గమనార్హం. అందుకే సీఎస్​గా(Mizoram CS) ఉన్న​ రేణు శర్మను తప్పించి.. మిజో భాష (Mizoram language) తెలిసిన వేరొకరిని నియమించాల్సిందిగా సీఎం జొరాంథంగా కోరారు. ప్రస్తుత అదనపు ముఖ్య కార్యదర్శి జేసీ రామ్​థంగాకు పదోన్నతి కల్పించి.. సీఎస్​గా నియమించాలని ప్రతిపాదించారు.

''నేను ఎన్​డీఏలో భాగస్వామిగా ఉన్నాను. చాలా రాష్ట్రాల్లో చాలా పార్టీలు కూటములు మారాయి. ఈశాన్య రాష్ట్రాల్లో మొదటి నుంచి నేను ఎన్​డీఏకు నమ్మకస్తుడిగా ఉన్నాను. అందుకే నా విజ్ఞప్తిని పరిశీలిస్తుందని అనుకుంటున్నా.''

- జొరాంథంగా, మిజోరం సీఎం

మిజోరం సీఎస్​గా(Mizoram news) రేణు శర్మను గత నెల నియమించింది కేంద్రం. ఈ నేపథ్యంలోనే.. మిజో భాష తెలియని ఆమె ఎప్పటికీ సమర్థమైన సీఎస్ కాలేరని, రాష్ట్రం ఏర్పడినప్పటి నుంచి స్థానిక భాష(Mizoram language) తెలియని వారిని కేంద్రం ఎప్పుడూ నియమించలేదని ముఖ్యమంత్రి అన్నారు.

ఒకవేళ ఈ ప్రతిపాదనను కేంద్రం తిరస్కరిస్తే.. ఎన్​డీఏకు విశ్వాసపాత్రంగా పనిచేస్తున్నందుకు కాంగ్రెస్​ సహా ఇతర పార్టీలు తనను ఎగతాళి చేస్తాయని చెప్పారు(Mizoram CM).

ఇదీ చూడండి: 'ఆ శిశువుకు రెండు తలలు!'.. చూసేందుకు ఎగబడిన జనం!!