కశ్మీరీ పండిత్​ అంత్యక్రియలకు ముస్లింల సాయం

మత సామరస్యానికి ప్రతీకగా నిలిచే ఘటన జమ్ముకశ్మీర్​లో జరిగింది. దక్షిణ కశ్మీర్ కుల్గాంలో కశ్మీరీ పండిత్ అంత్యక్రియలను స్థానిక ముస్లింలు జరిపించారు.

కశ్మీరీ పండిత్​ అంత్యక్రియల నిర్వహణకు పొరుగున ఉండే ముస్లింలు సాయం చేశారు. ఈ ఘటన జమ్ముకశ్మీర్​ కుల్గాం జిల్లాలో జరిగింది.

కాక్రన్ గ్రామానికి చెందిన సురేందర్​ సింగ్​ రాజ్​పుత్​ అనే వ్యక్తి బుధవారం మృతి చెందాడు. కుల్గాంలో ముస్లింలతో కలసి నివసిస్తోన్న అతికొద్దిమంది కశ్మీరీ పండిత్​లలో సురేందర్​ సింగ్ ఒకరు. ఆయన 1984 నుంచి ఇక్కడే ఉంటున్నారు.

దగ్గరుండి మరీ..

రాజ్​పుత్​ మరణవార్త తెలిసిన వెంటనే ఆ ప్రాంతంలో ఉండే ముస్లింలు కలసికట్టుగా అంత్యక్రియలకు కావాల్సిన ఏర్పాట్లు చేశారు. మృతదేహాన్ని మోసుకెళ్లడంలోనూ సాయపడ్డారు. అనేక మంది ముస్లింలు రాజ్​పుత్​ భౌతికకాయాన్ని సందర్శించి నివాళులర్పించారు.

చనిపోయిన వ్యక్తి మాకు పెద్దన్న లాంటివాడు. నేనైతే తరచుగా అతన్ని కలిసి, వివిధ అంశాల్లో సలహాలు తీసుకుంటుండేవాణ్ని.

-స్థానికుడు

అంతక్రియలు నిర్వహించడం పొరుగువారిగా తమ కర్తవ్యంలో భాగమేనని గ్రామస్థులు తెలిపారు.

ఇదీ చదవండి:భారత్​-పాక్​ నిర్ణయంపై కశ్మీరీ నేతల హర్షం