Mumbai Robbery: మహారాష్ట్ర ముంబయిలోని కొలాబా ప్రాంతంలో 24 ఏళ్ల తర్వాత న్యాయం దక్కింది ఓ కుటుంబానికి. అప్పుడు కోల్పోయిన కోట్ల రూపాయలు విలువైన బంగారు ఆభరణాలు తిరిగి వారి సొంతమయ్యాయి.
అర్జన్ దాస్వానీ కుటుంబం నుంచి 1998లో రెండు పురాతన బంగారు నాణేలు, 3 బంగారు కంకణాలు, రెండు కడ్డీలను దొంగలించారు దుండగులు. అప్పుడే అర్జన్ కుటుంబం పోలీసులకు ఫిర్యాదు చేసింది. తమ కేసు దర్యాప్తు ఎంత వరకు వచ్చిందంటూ అనేక ఏళ్లు ఠాణా చుట్టూ తిరిగింది. చివరకు చోరీకి గురైన సొత్తును నిందితుల నుంచి స్వాధీనం చేసుకుని ఆ కుటుంబానికి అందించామని ఏసీపీ పాండురంగ శిందే తెలిపారు.