లైవ్​లో ఆత్మహత్యాయత్నం.. పోలీసుల చాకచక్యం!

ముంబయిలోని ఓ వ్యక్తి ఆత్మహత్యాయత్నానికి పాల్పడ్డాడు. ఐర్లాండ్​ నుంచి వచ్చిన సమాచారం ఆ ప్రయత్నాన్ని ఆపగలిగింది. ఎలా అంటారా? ఈ కథనం చదవండి.

ముంబయిలోని ధూలే ప్రాంతానికి చెందిన ధ్యానీష్ పాటిల్ అనే వ్యక్తి ఆత్మహత్యాయత్నాన్ని పోలీసులు అడ్డుకున్నారు. ఈ ఘటన ఆదివారం రాత్రి జరిగింది. ఐర్లాండ్​లోని ఫేస్​బుక్​ ప్రతినిధులు ఈ మేరకు ముంబయి పోలీసులకు సమాచారం అందించారు.

అలా కాపాడారు..

ధ్యానీష్ పాటిల్ ఆత్మహత్యాయత్నం చేస్తున్నట్టు ఆదివారం రాత్రి సుమారు 8.10 గంటలకు ముంబయి పోలీసులకు సమాచారం అందింది. ఐర్లాండ్ నుంచి ఫేస్​బుక్​ ప్రతినిధులు ఇచ్చిన సమాచారం మేరకు వారు హుటాహుటిన ధూలేకు చేరుకున్నారు.

ఫేస్​బుక్​లోని పాటిల్​ ఖాతాలో ఉన్న ఫోన్​ నెంబర్ల ఆధారంగా అతని నివాసాన్ని గుర్తించారు. పోలీసులు చేరుకునే సమయానికి పాటిల్ ఆత్మహత్యకు ప్రయత్నించాడు. అతడిని వెంటనే ఆస్పత్రికి తరలించారు. ఇటువంటి ఘటనే గతేడాది ఆగస్టులోనూ జరిగింది.

ఇదీ చదవండి :పొరపాటున దేశం దాటి.. 11 ఏళ్లకు ఇల్లు చేరి...