మధ్యప్రదేశ్ అసెంబ్లీ స్పీకర్, భాజపా ఎమ్మెల్యే గిరీశ్ గౌతమ్.. ఆదివారం నుంచి తన నియోజకవర్గం రీవాలో సైకిల్ యాత్రకు శ్రీకారం చుట్టారు. అయితే.. ఈ యాత్ర ప్రారంభం కంటే ముందే ఆయనకు ఓ అనూహ్య సంఘటన ఎదురైంది. ఈ యాత్ర కోసం ఆయన సిద్ధం చేసుకున్న రూ.30 వేల విలువ చేసే సైకిల్ చోరీకి గురైంది.
ఈ యాత్ర కోసం గిరీశ్ గౌతమ్.. రెండు సైకిళ్లను సిద్ధం చేసుకున్నారు. ఒకదాన్ని రీవాలో వినియోగించేందుకు.. మరొకదాన్ని భోపాల్లో బ్యాకప్గా ఏర్పాటు చేసుకున్నారు. ఈ యాత్ర కోసం 'రీవాంచల్ ఎక్స్ప్రెస్ రైలు'లో రీవాకు వెళ్లారు గిరీశ్ గౌతమ్. అయితే.. భోపాల్- బీనా మధ్యలో రైలులో తన సైకిల్ చోరీకి గురైంది. దీనిపై బీనాలో రైల్వే అధికారులకు ఫిర్యాదు చేశారు గీరీశ్ గౌతమ్.