ఉత్తర్ప్రదేశ్ మథురలోని యమునా నది ఒడ్డున ఓ పడవలో.. తెల్లటి వస్త్రాల్లో చుట్టి ఉన్న ఓ నవజాత శిశువును రక్షించారు పోలీసులు. ఆ చిన్నారిని తల్లే అక్కడ వదిలి వెళ్లినట్లుగా భావిస్తున్నారు పోలీసులు.
ఇదీ జరిగింది..
నదిలో నవజాత శిశువు- అసలేమైంది?
అప్పుడే పుట్టిన నవజాత శిశువును నదిలో వదిలిపెట్టిందో తల్లి. అమ్మతనానికి మచ్చతెచ్చే ఈ సంఘటన ఉత్తర్ప్రదేశ్లో జరిగింది.
నవజాత శిశువును నదిలో వదిలివెళ్లిన తల్లి
బృందావన్ పోలీస్ స్టేషన్ పరిధిలోని చాముండా ఘాట్ వద్ద ఒక పడవలో ఏడుస్తున్న ఒక నవజాత శిశువును స్థానికులు గుర్తించారు. పోలీసులకు సమాచారమివ్వగా.. వారు శిశువును రక్షించి.. చైల్డ్లైన్ బృందంతో కలిసి జిల్లా ఆసుపత్రికి పంపారు. అయితే పరీక్షల్లో సదరు శిశువును ట్రాన్స్జెండర్గా గుర్తించారు వైద్యులు.
మూడు కిలోల బరువున్న శిశువు పూర్తి ఆరోగ్యంతో ఉన్నప్పటికీ.. ట్రాన్స్జెండర్ అనే కారణంతోనే తల్లి ఇలా వదిలి వెళ్లి ఉండొచ్చని జిల్లా ఆసుపత్రి వైద్యుడు కిషోర్ మాథుర్ అభిప్రాయపడ్డారు. శిశువుకు ఇతర ఆరోగ్య సమస్యలేమీ లేవని ధ్రువీకరించారు. ఈ ఘటనపై దర్యాప్తు ప్రారంభించారు పోలీసులు.
ఇదీ చదవండి:మథురలో ఉత్సాహంగా 'లడ్డూమార్ హోలీ'