Mother killed Child: భర్తపై కోపాన్ని అభంశుభం తెలియని చిన్నారిపై చూపింది ఓ మహిళ. క్షణికావేశంలో 3 నెలల సొంత కూతురి ప్రాణాలు తీసింది. అత్యంత దారుణమైన ఈ ఘటన దిల్లీ హైదర్పుర్లో గురువారం జరిగింది. కార్పెంటర్ పని చేసే సంచిత్ తన భార్యతో కలిసి హైదర్పుర్లో ఓ ఇంట్లో అద్దెకు ఉంటున్నాడు. వీరికి 3 నెలల కూతురు ఉంది. కొద్దిరోజులుగా దంపతుల మధ్య తరచూ గొడవలు జరుగుతున్నాయి.
ఈ నేపథ్యంలోనే గురువారం కూడా ఇద్దరి మధ్య గొడవ జరిగింది. అనంతరం సంచిత్ పనిమీద బయటికి వెళ్లిన సమయంలో.. కూతురి గొంతు నులిమి హత్య చేసిందా మహిళ. కాసేపటికి ఘటనా స్థలానికి చేరుకున్న ఇంటి యజమాని.. పోలీసులకు సమాచారం అందించాడు.