కన్నబిడ్డ కోసం క్రూరమృగంపై ఒంటరిగా పోరాడి, గెలిచిన తల్లి

Mother Fights With Jackal: మధ్యప్రదేశ్​లో జాతీయ పార్క్​లకు సమీపంలో ఉన్న గ్రామాలపై క్రూరమృగాల దాడులు రోజురోజుకు పెరుగుతున్నాయి. అదే క్రమంలో దాడి చేసిన నక్కతో పోరాడి కుమారుడ్ని రక్షించుకుంది ఓ మహిళ.

Mother Fights With Jackal: కన్న కొడుకును రక్షించుకునే క్రమంలో ఓ మహిళ గొప్ప ధైర్యసాహసాలు ప్రదర్శించింది. నక్కతో పోరాడి కన్న బిడ్డను(5) కాపాడింది. ఈ ఘటన మధ్యప్రదేశ్​లోని శివపురి జిల్లాలో జరిగింది.

జిల్లాలోని తకుర్​పుర గ్రామం మాధవ్ నేషనల్ పార్క్​కు సమీపంలో ఉంది. పార్క్​లోని క్రూర మృగాలు తరచూ జనావాసాలపై దాడి చేస్తుంటాయి. తాజాగా తకుర్​పుర గ్రామంలోకి దారి తప్పి వచ్చింది ఓ నక్క. ఆరుబయట ఆడుకుంటున్న ఓ బాలుడిపై దాడి చేసింది. వెంటనే అప్రమత్తమైన బాలుడి తల్లి.. నక్కపై రాళ్లతో దాడి చేసింది. దీంతో పిల్లాడిని వదిలిపెట్టి అడవిలోకి పరుగులు పెట్టింది నక్క. గాయపడిన చిన్నారిని ఆసుపత్రికి తరలించారు.

సింహంతో పోరాడి..

Forest Guard Fight With Tiger: మరో ఘటనలో మధ్యప్రదేశ్​లో ఓ ఫారెస్ట్ గార్డ్ సింహంతో పోరాడి ప్రాణాలు రక్షించుకున్నారు. సాత్పురా టైగర్ రిజర్వ్​లో సుధ ఫారెస్ట్​ గార్డ్​లా పనిచేస్తున్నారు. ఈ సమయంలో దారి తప్పిన ఓ సింహం ఆమెపై దాడి చేసింది. ఆ క్రమంలో సింహంతో పోరాడింది సుధ. చివరకు సహచర ఫారెస్ట్ గార్డ్​లు వచ్చి ఆమెను కాపాడారు.

ఈమె ప్రదర్శించిన తెగువ దేశవ్యాప్తంగా ప్రశంసలు అందుకుంది. సినీ నటి విద్యాబాలన్​ కూడా అప్పట్లో ఈ మహిళను ప్రశంసించిన ట్వీట్​ తెగ వైరల్​ అయింది.

చిరుతను వెంబడించి..

Mother Rescued Her Son From Leopard: ఇటీవల మధ్యప్రదేశ్​లో ఓ తల్లి ప్రదర్శించిన ధైర్యసాహసాలకు సర్వత్రా ప్రసంశలు అందుకున్నాయి. కుమారుడిని నోటితో కరుచుకుపోతున్న చిరుతతో పోరాడి బిడ్డను రక్షించుకుంది బైగా తెగకు చెందిన కిరణ్​ అనే మహిళ. సిద్ధి జిల్లాలోని బరిజహారియా గ్రామంలో ఈ ఘటన జరిగింది.

తన ఇంటి వద్ద పిల్లలతో కలిసి చలిమంట కాచుకుంటోంది కిరణ్. ఓ బిడ్డ ఆమె ఒడిలో కూర్చోగా మరో ఇద్దరు పక్కనే ఉన్నారు. ఆ సమయంలో అకస్మాత్తుగా వచ్చిన చిరుత ఓ పిల్లాడిని నోట కరుచుకుని అడవిలోకి పరుగులు పెట్టింది. వెంటనే దానిని వెంబడించింది కిరణ్​. కిలోమీటరు​ దూరంలో చిరుతను గుర్తించింది. చిరుతతో పోరాడి కుమారుడిని రక్షించింది.

తల్లీబిడ్డలపై చిరుత దాడి చేస్తుండగా.. అంతలోనే గ్రామస్థులు వచ్చి దానిని పారదోలారు. గాయపడిన తల్లీబిడ్డలను ఆసుపత్రిలో చేర్పించారు. వారు క్షేమంగానే ఉన్నట్లు అధికారులు వెల్లడించారు.

ఇదీ చదవండి: