నైరుతి రుతుపవనాలు రెండు రోజులు ఆలస్యంగా కేరళ తీరాన్ని తాకనున్నాయని భారత వాతావరణ శాఖ తెలిపింది. జూన్ 3న తీరాన్ని తాకనున్నట్లు వెల్లడించింది.
"జూన్ 1న నైరుతి దిశగా వీచే గాలులు బలపడనున్నాయి. ఈ క్రమంలో కేరళలో భారీగా వర్షాలు పడనున్నాయి. జూన్ 3న నైరుతి రుతుపవనాలు కేరళ తీరం తాకనున్నాయి."
-ఐఎండీ.
ఈ రుతుపవనాల కారణంగా ఈశాన్య రాష్ట్రాల్లోనూ రానున్న ఐదు రోజుల్లో వర్షాలు కురువనున్నాయని వాతావరణ శాఖ తెలిపింది.
సాధారణంగా జూన్ 1న నైరుతి రుతుపవనాలు కేరళ తీరాన్ని తాకుతాయి. తొలుత ఐపీఎండీ కూడా మే 31 నే రుతుపవనాలు తీరాన్ని తాకనున్నట్లు తెలిపింది.
ఇదీ చదవండి:monsoon: ఒకరోజు ముందే కేరళకు నైరుతి రుతుపవనాలు
