ఈసారి సాధారణ వర్షపాతం: ఐఎండీ

నైరుతి రుతుపవనాల వల్ల ఈ ఏడాది సాధారణ వర్షపాతం నమోదయ్యే అవకాశం ఉందని భారత వాతావరణ శాఖ (ఐఎండీ) డైరక్టర్ జనరల్ మృత్యుంజయ్​ మోహపాత్ర తెలిపారు.

నైరుతి రుతుపవనాల కారణంగా సాధారణ వర్షపాతం నమోదయ్యే అవకాశం ఉందని భారత వాతావరణ శాఖ తెలిపింది. మధ్య భారత్, ఉత్తర, దక్షిణ భారత్​లో సాధారణ, ఈశాన్య ప్రాంతాల్లో సాధారణం కంటే తక్కువ వర్షపాతం నమోదవుతుందని వివరించారు ఐఎండీ డైరక్టర్ జనరల్ మృత్యుంజయ్​ మోహపాత్ర. జూన్​- సెప్టెంబర్​ మధ్య దీర్ఘకాలిక సగటులో 101 శాతం వర్షం పడొచ్చని తెలిపారు.

అంతకుముందు.. నైరుతి రుతుపవనాల రాక రెండు రోజులు ఆలస్యం కానుందని భారత వాతావరణ శాఖ తెలిపింది. జూన్ 3న ఇవి కేరళ తీరాన్ని తాకే అవకాశముందని పేర్కొంది.

ఇదీ చదవండి :అభివృద్ధి పేరిట విధ్వంసం- విలయం వలలో కేరళ