మోదీకి ఘన స్వాగతం పలికిన బంగ్లా ప్రధాని

కరోనా వ్యాప్తి తర్వాత తొలి విదేశీ పర్యటనలో భాగంగా.. ప్రధాన మంత్రి నరేంద్ర మోదీ బంగ్లాదేశ్​ చేరుకున్నారు. ఢాకా చేరుకున్న ఆయనకు ఘన స్వాగతం పలికారు ఆ దేశ ప్రధాని షేక్​ హసీనా.

బంగ్లాదేశ్ పర్యటనలో భాగంగా ప్రధాని మోదీ శుక్రవారం ఢాకాకు చేరుకున్నారు. విమానాశ్రయానికి చేరుకున్న క్రమంలో మోదీకి.. బంగ్లాదేశ్ ప్రధాని షేక్ హసీనా ఘన స్వాగతం పలికారు. పుష్పగుచ్ఛం అందించి ఆహ్వానించారు.

మోదీకి ఘన స్వాగతం పలికిన బంగ్లా ప్రధాని హసీనా

బంగ్లాదేశ్ స్వాతంత్య్ర స్వర్ణోత్సవాల్లో మోదీ పాల్గొననున్నారు. బంగబంధు షేక్ ముజిబీర్ రెహ్మాన్ శత జయంతి వేడుకలకు హాజరై.. పలు ప్రాంతాలు సందర్శించనున్నారు.