Modi in USA: 65 గంటల్లో 20 సమావేశాలు- అమెరికా​లో బిజీబిజీగా మోదీ

భారత ప్రధాని నరేంద్ర మోదీ 3 రోజుల అమెరికా పర్యటన (Modi in USA) ఫలప్రదంగా సాగింది. ఆదివారం.. భారత్​కు చేరుకున్న ఆయనకు భాజపా అధ్యక్షుడు జేపీ నడ్డా సహా పలువురు నేతలు ఘనస్వాగతం పలికారు. పర్యటనలో (Modi visit to US) భాగంగా ఐక్యరాజ్యసమితి సర్వసభ్య సమావేశంతో పాటు క్వాడ్​ సదస్సులో (Quad summit) పాల్గొన్నారు మోదీ. అగ్రరాజ్య అధ్యక్షుడు జో బైడెన్​ (Biden news) సహా వివిధ దేశాధినేతలతో సమావేశమయ్యారు.

అమెరికా పర్యటనను(Modi in USA) దిగ్విజయంగా ముగించుకున్న ప్రధాని నరేంద్ర మోదీ స్వదేశం చేరుకున్నారు. మొత్తం అమెరికాలో(Modi visit to US) ఉన్న 65 గంటల్లో ప్రధాని.. బిజీ షెడ్యూల్​తో తీరిక లేకుండా గడిపారు. ఈ సమయంలో.. 20 సమావేశాలకు హాజరయ్యారు మోదీ. ఇంకా మార్గమధ్యంలో(విమాన ప్రయాణంలో) అధికారులతో నాలుగు సుదీర్ఘ సమావేశాలు జరిపినట్లు ప్రభుత్వ వర్గాలు వెల్లడించాయి.

ప్రధాని 3 రోజుల అమెరికా పర్యటన సాగిందిలా..

• సెప్టెంబర్​ 22న మోదీ.. అమెరికా పర్యటనకు(Modi in USA) బయల్దేరారు. వెళ్లే దారిలో ఫ్లైట్​లో రెండు సమావేశాల్లో పాల్గొన్నారు. అమెరికాకు చేరాక.. హోటల్​లో మరో 3 భేటీలు నిర్వహించారు.
  

  అమెరికాకు వెళ్తూ..
• వాషింగ్టన్​లోని ఆండ్రూస్​ జాయింట్​ ఎయిర్​ ఫోర్స్​ బేస్​కు చేరుకున్న ప్రధానికి.. భారీ సంఖ్యలో తరలివచ్చిన ఎన్​ఆర్​ఐలు ఘనస్వాగతం పలికారు.
  

  ప్రవాస భారతీయులతో మోదీ
• సెప్టెంబర్​ 23న అమెరికాలో(Modi visit to US) ఐదు సంస్థల సీఈఓలతో వేర్వేరుగా సమావేశమయ్యారు.
  

  దిగ్గజ సంస్థలతో సీఈఓలతో మోదీ
• అదే రోజు అమెరికా ఉపాధ్యక్షురాలు కమలా హారిస్​తో శ్వేతసౌధంలో భేటీ అయ్యారు. ఆస్ట్రేలియా ప్రధాని స్కాట్​ మోరిసన్​, జపాన్​ ప్రధాని యోషిహిడే సుగాతో విడివిడిగా ద్వైపాక్షిక చర్చలు నిర్వహించారు. మరో మూడు అంతర్గత సమావేశాలకు కూడా మోదీ(Modi news) అధ్యక్షత వహించారు.
  

  మోదీ- కమలా హారిస్​
  

  అమెరికా ఉపాధ్యక్షురాలు కమలా హారిస్​తో మోదీ చర్చ
  

  జపాన్​ ప్రధానితో మోదీ
• సెప్టెంబర్​ 24న అమెరికా అధ్యక్షుడు జో బైడెన్​తో (Biden news) తొలిసారి భేటీ అయ్యారు మోదీ. వ్యూహాత్మక సంబంధాల బలోపేతం గురించి ద్వైపాక్షిక చర్చలు జరిపారు. రక్షణ, భద్రత, వాణిజ్యం సహా పలు కీలక రంగాల్లో అభివృద్ధిపై చర్చించారు. ఉగ్రవాద నిర్మూలన సహా అఫ్గాన్​లో పరిణామాలపై సమాలోచనలు చేశారు. ఈ పూర్తి వార్త కోసం ఇక్కడ క్లిక్​ చేయండి.అదే రోజు మరో నాలుగు అంతర్గత సమావేశాలు నిర్వహించారు.
  

  అమెరికా అధ్యక్షుడు జో బైడెన్​తో మోదీ భేటీ
• సెప్టెంబర్​ 24న బైడెన్​ అధ్యక్షతన జరిగిన క్వాడ్(అమెరికా, భారత్​, జపాన్​, ఆస్ట్రేలియా దేశాల కూటమి)​ సమావేశానికి (Quad summit) హాజరయ్యారు. ఇతర దేశాలకు వ్యాక్సిన్​ అందించాలని క్వాడ్​ దేశాలు తీసుకున్న చొరవ.. ఇండో పసిఫిక్​ దేశాలకు సాయంగా ఉంటుందని అన్నారు మోదీ(Modi news). ఈ పూర్తి వార్త కోసం ఇక్కడ క్లిక్​ చేయండి.
  

  అమెరికాలో మోదీ
• సెప్టెంబర్​ 25న వాషింగ్టన్​ నుంచి న్యూయార్క్​ చేరుకున్న భారత ప్రధాని.. ఐక్యరాజ్యసమితి 76వ సర్వసభ్య సమావేశంలో (Modi UNGA 2021) పాల్గొన్నారు. భారత్‌లో వేల ఏళ్లుగా ప్రజాస్వామ్య పరంపర కొనసాగుతోందని ప్రధానమంత్రి నరేంద్ర మోదీ (PM Modi) పేర్కొన్నారు. ఈ పూర్తి వార్త కోసం ఇక్కడ క్లిక్​ చేయండి.
• ఐరాస సమావేశం అనంతరం.. అదే రోజు అమెరికా నుంచి తిరిగి భారత్​కు బయల్దేరారు. ఈ మార్గమధ్యంలో విమానంలో రెండు సమావేశాలు నిర్వహించారు.
• సెప్టెంబర్​ 26న భారత్​కు చేరుకున్నారు. దిల్లీ విమానాశ్రయంలో దిగిన మోదీకి.. భాజపా జాతీయ అధ్యక్షుడు జేపీ నడ్డా సహా పలువురు నేతలు ఘనస్వాగతం పలికారు. పార్టీ నేతలు ఏర్పాటు చేసిన అభినందన సభలో మోదీని.. గజమాలతో సత్కరించారు.
• పర్యటన మొత్తం పక్కా ప్రణాళికతో షెడ్యూల్‌ చేసుకున్న ప్రధాని(Modi in USA).. కీలక భేటీల్లో పాల్గొని పూర్తి సమయాన్ని సద్వినియోగం చేసుకున్నారు.

ఇవీ చూడండి: Modi UNGA 2021: ఐరాసలో మోదీ కీలకప్రసంగం.. ఆ ఘనత భారత్​దే