Modi Guru Ravidas: గురు రవిదాస్ జయంతి సందర్భంగా ప్రధానమంత్రి నరేంద్ర మోదీ దిల్లీలోని శ్రీ గురు రవిదాస్ విశ్రమ్ ధామ్ మందిరాన్ని దర్శించుకున్నారు. ఈ సందర్భంగా మందిరంలో ప్రత్యేక పూజలు చేశారు.
PM Modi prayers Guru Ravi das Dham
అనంతరం.. విశ్రమ్ ధామ్ మందిరంలో నిర్వహించిన 'షాదాబ్ కీర్తన్'లో మోదీ ఉత్సాహంగా పాల్గొన్నారు. సంప్రదాయ వాద్య పరికరాన్ని చేతిలో పట్టుకొని.. గురు రవిదాస్ను కీర్తించారు.
అంతకుముందు.. గురు రవిదాస్ తన జీవితాన్ని సమాజంలోని దురాచారాలను రూపుమాపేందుకు అంకితం చేశారని మోదీ ట్వీట్ చేశారు. అంటరానితనంపై పోరాడారని చెప్పారు. తమ ప్రభుత్వం ప్రతి పథకాన్ని ఆయన స్ఫూర్తితోనే అమలు చేస్తోందని తెలిపారు.
పంజాబ్లోని లక్షలాది మంది ప్రజలు గురు రవిదాస్ జయంతిని ఘనంగా జరుపుకొంటారు. ఈ జయంతి కారణంగానే ఆ రాష్ట్ర అసెంబ్లీ ఎన్నికలు సైతం వాయిదా పడ్డాయి. నిజానికి ఫిబ్రవరి 14న పంజాబ్ అసెంబ్లీ ఎన్నికలు జరగాల్సింది. ఆ రోజున ఎన్నికలు నిర్వహిస్తే చాలా మంది తమ ఓటు హక్కును ఉపయోగించుకునే అవకాశం ఉండదని రాజకీయ పార్టీలు ఈసీ దృష్టికి తీసుకెళ్లాయి. దీంతో ఎలక్షన్ తేదీని మార్చుతూ ఈసీ నిర్ణయం తీసుకుంది.
మరోవైపు, బుధవారం పంజాబ్లో భాజపా తరఫున ఎన్నికల ప్రచారంలో మోదీ పాల్గొననున్నారు. పఠాన్కోట్లో బహిరంగ సభను ఉద్దేశించి ఆయన ప్రసంగిస్తారు. ఉత్తర్ప్రదేశ్లోని సీతాపుర్లోనూ ప్రచారం నిర్వహిస్తారు.