'కర్ణాటక సీఎంకు సంబంధించిన సీడీ ఉంది'

కర్ణాటక సీఎం యడియూరప్పకు సంబంధించిన ఓ సీడీపై భాజపా ఎమ్మెల్యే పాటిల్​ యత్నల్​ సంచలన విషయాలు వెల్లడించారు. ఆపరేషన్​ కమల్​లో పాల్గొన్న 17మంది ఎమ్మెల్యేల దగ్గర ఆ సీడీ ఉందని, దాన్ని వారు ఎప్పుడు, ఎలా వాడుకుంటారో తెలియదని అన్నారు.

సీఎం యడియూరప్పకు సంబంధించి ఓ సీడీ ఉందని భాజపా ఎమ్మెల్యే పాటిల్​ యత్నల్​ సంచలన వ్యాఖ్యలు చేశారు. 'ఆపరేషన్​ కమల్​'లో పాల్గొన్న 17 మంది ఎమ్మెల్యేల దగ్గర ఆ సీడీ ఉన్నట్లు తెలిపారు. దానిని ఎప్పుడు ఎవరు ఆయుధంగా వాడుతారో చెప్పలేమని అన్నారు. తన ప్రత్యర్థులు తనను లేకుండా చేయాలని చూశారని కానీ ఆఖరికి వారే 'సున్నా' అయ్యారని తెలిపారు.

ఇటీవల ఓ మహిళతో అసభ్యకరంగా ప్రవర్తించారంటూ నీటి పారుదల శాఖ మంత్రి రమేశ్​ జర్కిహోళి పై ఆరోపణలు వచ్చాయి. దాంతో ఆయన తన మంత్రి పదవికి రాజీనామా చేయాల్సి వచ్చింది. ఇప్పుడు సీఎం యడియూరప్పకు సంబంధించిన సీడీ ఉందంటు వార్తలు రావడం కర్ణాటక రాజకీయాల్లో చర్చనీయాంశమైంది.

ఇదీ చదవండి:సీడీ కేసులో కర్ణాటక మంత్రి రాజీనామా