కాలక్షేపం కోసమో లేక సరాదా కోసమో ప్రారంభించిన పబ్జీ గేమ్.. కన్నడ రాష్ట్రంలో ఓ నిండు ప్రాణాన్ని బలిగొంది. దీని మాయలో పడిన 13ఏళ్ల బాలుడు.. ఇటీవల తప్పిపోయాడు. చివరకు శవమై తేలాడు.
ఇదీ జరిగింది..
దక్షిణ కన్నడ జిల్లా కేసీ రోడ్లోని హకీఫ్(13) తరచూ పబ్జీ గేమ్ ఆడుతుండేవాడట. అతడు ఇటీవల తప్పిపోయాడు. ఆ తర్వాత హత్యకు గురై.. వాళ్ల ఇంటికి సుమారు 3 కిలోమీటర్ల దూరంలో శవమై కనిపించాడు.
హకీఫ్ తప్పిపోయాడని అతడి తల్లిదండ్రులు ఉల్లాల్ పోలీస్ స్టేషన్లో ఫిర్యాదు చేశారు. ఈ క్రమంలో పోలీసులు వెతికి.. ఆ బాలుడి శవాన్ని గుర్తించారు. పబ్జీ కోసం బాలుడి స్నేహితుల మధ్య తలెత్తిన గొడవే ఈ హత్యకు కారణమై ఉంటుందని పోలీసులు అనుమానిస్తున్నారు.
ఈ పూర్తి వ్యవహారంపై పోలీసులు కేసు నమోదు చేసుకుని దర్యాప్తు చేపట్టారు.
ఇదీ చదవండి:30 ఏళ్లుగా 'ఆమె' కేరాఫ్ అడ్రస్ పోలీస్ స్టేషన్!
