Minor Killed Parents: డ్రగ్స్కు బానిసైన ఓ మైనర్ తనను డీఎడిక్షన్ సెంటర్కు తరలిస్తారనే అనుమానంతో కుటుంబసభ్యులను హతమార్చాడు. నిద్రలో ఉన్న తల్లిదండ్రులు, సోదరుడిపైన గొడ్డలితో దాడి చేశాడు. అనంతరం పోలీసులకు లొంగిపాయడు. ఈ ఘటన రాజస్థాన్లోని హనుమాన్గఢ్ జిల్లా ఫేఫానా గ్రామంలో బుధవారం అర్ధరాత్రి జరిగింది.
ఇదీ జరిగింది..
డ్రగ్స్కు బానిసైన నిందితుడు కిశోర్ను ఇటీవల డీఎడిక్షన్ సెంటర్లో చేర్చించారు అతని కుటుంబసభ్యులు. బుధవారమే అతను మళ్లీ ఇంటికి తిరిగివచ్చాడు. అయితే తనను మరోసారి డీఎడిక్షన్ సెంటర్లో చేర్పిస్తారనే అనుమానంతో అర్ధరాత్రి అందరూ నిద్రిస్తున్న సమయంలో తల్లిదండ్రులైన ఇంద్రా-శశిపాల్ సహా తమ్ముడు అజయ్పైన గొడ్డలితో అతికిరాతకంగా దాడి చేశాడు. కిశోర్ తల్లిదండ్రులు అక్కడికక్కడే ప్రాణాలు కోల్పోగా.. అతని సోదరుడి పరిస్థితి విషమించింది. అయితే సోదరుడు కూడా చనిపోయాడని భావించిన కిశోర్.. స్థానిక పోలీస్స్టేషన్కు వెళ్లి లొంగిపోయాడు.
ఘటనాస్థలానకి చేరుకుని కిశోర్ తల్లిదండ్రుల మృతదేహాలను పోస్ట్మార్టంకు తరలించిన పోలీసులు.. రక్తపు మడుగులో కొట్టుమిట్టాడుతున్న అతని సోదరుడు అజయ్ను ఆసుపత్రిలో చేర్చారు. కిశోర్ వాడిన గొడ్డలిని స్వాధీనం చేసుకున్నారు. నిందితుడు కిశోర్ను అరెస్ట్ చేశారు. చికిత్స పొందుతున్న అజయ్ పరిస్థితి ప్రస్తుతం విషమంగానే ఉన్నట్లు అధికారులు వెల్లడించారు.
ఇదీ చూడండి :బోరుబావిలో పడిన చిన్నారి కథ సుఖాంతం
