కశ్మీర్​​లో ఎన్​కౌంటర్​​- ఇద్దరు ముష్కరులు హతం

జమ్ముకశ్మీర్​లో భద్రతా బలగాలకు, ముష్కరులకు మధ్య ఎదురుకాల్పులు జరిగాయి. ఈ ఘటనలో ఇద్దరు ఉగ్రవాదులను భద్రతా సిబ్బంది మట్టుబెట్టారు. ఓ సైనికుడు అమరుడయ్యాడు.

జమ్ముకశ్మీర్​లో శనివారంజరిగిన ఎన్​కౌంటర్​లో ఇద్దరు ఉగ్రవాదులు హతమయ్యారు. షోపియాన్​ జిల్లా వాంగమ్​ ప్రాంతంలో ఉగ్రవాదులు నక్కి ఉన్న సమాచారంతో భద్రతా బలగాలు తనిఖీలు చేపట్టాయి.ఈ క్రమంలో ఉగ్రవాదులు కాల్పులకు తెగబడ్డారు. దీంతో భద్రతా సిబ్బంది ఎదురుకాల్పులు జరిపి ఇద్దరు ముష్కరులను మట్టుబెట్టారు.

ఈ ఘటనలో ఓ సైనికుడు అమరుడయ్యాడు. మరో జవాను గాయపడ్డాడు.గాయపడ్డ సైనికుడిని అధికారులు.. ఆసుపత్రికి తరలించారు.ఈ కాల్పులు ఇంకా కొనసాగుతున్నట్లు చెప్పారు.

ఇదీ చదవండి:లేడీ సింగమ్​ ఆత్మహత్య కేసులో అధికారి అరెస్టు