షారుక్​, సల్మాన్​ ఎంట్రీ.. హాల్​లో అగ్నిప్రమాదం

మహారాష్ట్రలోని ​ఓ థియేటర్​లో అగ్ని ప్రమాదం జరిగింది. సినిమా ప్రదర్శన జరుగుతుండగా కొందరు ప్రేక్షకులు టపాసులు పేల్చడం వల్ల ఈ ఘటన జరిగినట్లు పోలీసులు తెలిపారు.

అభిమానుల అత్యుత్సాహం... మహారాష్ట్ర మాలేగావ్​లోని ఓ థియేటర్​లో అగ్ని ప్రమాదానికి దారితీసింది.

లాక్​డౌన్​తో మూతపడి, ఇటీవల తిరిగి తెరుచుకున్న థియేటర్​లో కరణ్​ అర్జున్​ సినిమా ప్రదర్శిస్తుండగా ఈ ఘటన జరిగింది. తెరపై షారుక్​ ఖాన్, సల్మాన్ ఖాన్​​ కనిపించగానే కొందరు అభిమానులు హాల్​లోనే టపాసులు పేల్చారు. ఫలితంగా మంటలు చెలరేగాయి. కొన్ని కుర్చీల దగ్ధమయ్యాయి. అయితే ఎలాంటి ప్రాణ నష్టం జరగలేదని పోలీసులు తెలిపారు.

సినిమాహాల్​లో చెలరేగిన మంటలు

మంటల్లో కాలిపోతున్న కుర్చీలు

దీనికి సంబంధించిన వీడియో వైరల్​ అయింది. థియేటర్​ యాజమాన్యం ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.

ఇదీ చూడండి:మొతేరాకు 'నరేంద్ర మోదీ' స్టేడియంగా పేరు మార్పు