కరోనాతో జేడీయూ ఎమ్మెల్యే మృతి

బిహార్​లో కరోనాతో జేడీయూ ఎమ్మెల్యే మేవలాల్ చౌదరి మరణించారు. అనారోగ్యంతో ఆసుపత్రిలో చేరిన ఆయన.. చికిత్స పొందుతూ చనిపోయారు.

కరోనాతో ఇప్పటికే పలువురు నేతలు మృతి చెందగా.. తాజాగా బిహార్​లోని జేడీయూ ఎమ్మెల్యే మేవలాల్ చౌదరి మరణించారు. పట్నాలోని ఆస్పత్రిలో చికిత్స పొందుతూ ఆయన తుది శ్వాస విడిచారు.

గతవారం మేవలాల్​కు కరోనా పాజిటివ్​గా తేలింది. దీంతో వైద్యుల సూచనల మేరకు పారస్ ఆసుపత్రిలో చేరారు. అయితే పరిస్థితి విషమించి.. సోమవారం ఉదయం 4 గంటలకు మరణించిట్లు అధికారులు వెల్లడించారు.

తారాపుర్​ నియోజకవర్గంలో సిట్టింగ్ ఎమ్మెల్యే అయిన మేవలాల్​.. గతంలో రాష్ట్ర విద్యాశాఖ మంత్రిగా సేవలందించారు. అయితే ఆయనపై వచ్చిన అవినీతి ఆరోపణల కారణంగా పదవి నుంచి తొలగించారు.

ఇదీ చూడండి:'కరోనా‌ కట్టడికి మిలటరీ కావాలి'